1-mavzu. “Moliyaviy muassasalar”

Texnologik xususiyatlardan kelib chiqqan holda keysning tavsifnomasi:

Ushbu keys real institutsional tizim faoliyatini aks ettiradi.

Keys ob’ekti –O’zbekiston sug’urta bozori.

Axborot manbalari: O’zbekistonda sug’urta bozori ishtirokchilarining faoliyat ko’rsatkichlari.Ushbu keysning asosiy manbai kabinetli, syujetsiz, prognostik, tahliliy yozishma, statistik materiallar asosida, o’rtacha, tuzilmaviy bayon etilgan. Keysning asosiy ob’ekti O’zbekiston sug’urta bozori ishtirokchilari hisoblanadi.

Didaktik maqsadlari bo’yicha – trening keys hisoblanib, amaliy mashg’ulot davomida o’zining olgan nazariy bilimlarini chuqurroq bilishga qaratilgan. Ushbu keysdan – barcha iqtisodiy yo’nalishlar o’qitiladigan; “Iqtisodiyot nazariyasi”, “Moliya”, “Sug’urta nazariyasi”, “Sug’urta marketingi” fanlaridan o’quv mashg’ulotlarda foydalanish tavsiya etiladi.

Kirish

Bugungi kunda davlat moliyaviy siyosatining maqsadi iqtisodiyotni barqaror rivojlantirish, ijtimoiy ishlab chiqarish samaradorligini muayyan chora-tadbirlar yordamida oshirish asosida jamiyat a’zolarining turmush farovonligi darajasini ta’minlashdan iborat.

So’nggi yillarda O’zbekiston iqtisodiyotida kuzatilayotgan rivojlanish ko’rsatkichlarini samarali moliyaviy siyosat natijasi ekanligini qayd etish zarur.O’tgan yillar tajribasi shuni ko’rsatadiki, mamlakatimiz rahbariyati va hukumati sug’urta sohasini davlat tomonidan qo’llab-quvvatlashga va rivojlantirishga muntazam e’tibor berib kelayapti.

Bank, sug’urta, lizing, konsalting va boshqa turdagi bozor xizmatlari barqaror sur’atlar bilan rivojlanmoqda, ular xususiy sektor va kichik biznes rivojiga xizmat qilmoqda. Xizmat ko’rsatish sohasida 80 ming 400 ta kichik biznes sub’ekti faoliyat yuritmoqda va bu xizmat ko’rsatish sohasi korxonalari umumiy sonining 80 foizdan ortig’ini tashkil qiladi.

Mamlakatimizning xizmat ko’rsatish sohasini rivojlantirishda sug’urtaning o’rni beqiyosdir. Bu esa albatta O’zbekiston sug’urta bozorida raqobatbardosh sug’urta

tashkilotlarining faoliyat yuritishlari va axoliga sifatli sug’urta maxsulotlarini taqdim etishlari ayni damda juda dolzarbdir, buni esa sug’urta biznesini rivojlantirishsiz tassavur qilish qiyin.

Shuni alohida qayd lozimki, sug’urta tashkilotlari o’z zimmalariga olgan majburiyatlarini bajarish bo’yicha mijozlar oldida katta mas’uliyatga egadirlar. Sug’urta tashkilotlari tomonidan o’z zimmalariga olgan majburiyatlarni bajarilmasligi salbiy ijtimoiy-iqtisodiy oqibatlarni keltirib chiqarishi mumkin. Shu sababli, ularning moliyaviy barqaror faoliyat ko’rsatishini ta’minlash yo’llarini qidirish lozim. Sug’urta biznesini barqaror faoliyat yuritishlarini ta’minlash bo’yicha bir qator ijobiy ishlar amalga oshirilgan bo’lishiga qaramasdan, tan olish kerakki, bu borada o’z echimini kutayotgan muammolar talaygina. Chunonchi, sug’urta tashkilotlarining salohiyatli mijozlarni jalb etish yuzasidan olib borayotgan ishlari talab darajasida emas. Sug’urta tashkilotlari ishlab chiqqan sug’urta xizmatlari har doim ham mijozlarning manfaatlariga mos kelavermaydi. Sug’urta tashkilotlarida sug’urta hodisalari ro’y berishi natijasida etkazilgan zararlarni to’lash operativ ravishda amalga oshirilmasdan, keraksiz hujjatlarni mijozlardan talab etish holatlari uchraydi. Bularning bari, pirovardida, sug’urta tashkilotlari rivojlanishiga soya tashlaydi. Bunga o’xshash muammoviy holatlarni echimini topish muhim ahamiyat kasb etadi.