1-мавзу: маркетингнинг моҳияти, мақсади ва вазифалари режа

«Корхонанинг експорт имкониятларини кенгайтиришга йўналтирилган нарх» стратегияси. Корхона нархлаштиришда бу стратегияни қўллаш учун мамлакатнинг ички ва ташқи бозорида нархлаштиришнинг хусусиятларини ҳисобга олиши керак. Шуларни ўрганиб аниқ бозор шароитларига боғлиқ ҳолда ўзига хос нарх сиёсатини танлаши мумкин бўлади.
Умуман олганда, корхона ўз имкониятларидан ва мақсадларидан келиб чиқиб юқорида келтирилган нарх стратегияларидан фойдаланади.


Текшириш ва назорат учун саволлари:

1. 
   Нархни шакллантиришдан мақсад нима?
   
2. 
   Нархнинг шаклланишига талаб ва таклифнинг таъсирини расм орқали кўрсатинг.
   
3. 
   Маркетингда нархнинг шаклланишига қандай ёндашувлар мавжуд?
   
4. 
   Нарх рақобати ва нархсиз рақобатни қандай тушунасиз?
   
5. 
   Нарх шаклланишига қандай омиллар таъсир кўрсатади?
   
6. 
   Нарх қайишқоқлигини қандай тушунасиз ва нархга қандай таъсир кўрсатади?
   
7. 
   Нархнинг турларини айтиб беринг.
   
8. 
   «Улгуржи нарх» ва «чакана нарх» тушунчаларини изоҳланг.
   
9. 
   Нарх белгилаш услубларини тушунтириб беринг.
   
10. 
    Нарх стратегиясини тушунтириб беринг.
    
11. 
    «Нарх психологияси» тушунчасини изоҳланг.
    

8-МАВЗУ: МАРКЕТИНГДА КОММУНИКАЦИОН СИЁСАТ


Режа:

1. 
   Жамоатчилик билан алоқалар (паблик рилейшнз) ва унинг моҳияти
   
2. 
   Реклама ва реклама воситалари
   
3. 
   Маркетингда сотишни рағбатлантириш
   

1. Жамоатчилик билан алоқалар (паблик рилейшнз) ва унинг моҳияти


Коммуникацион сиёсат деганда бозорга товар силжитиш услубларининг мажмуи тушунилади. Буларга паблик рилейшнз (жамоатчилик билан алоқалар), реклама, сотишни рағбатлантириш ва шахсий сотиш киради. Кенгайтирилган маънода силжитиш - бу товарлар сотилишини тезлаштириш ва бозорда ижобий тасаввурни шакллантириш мақсадида ахборот олиш, харидорни ишонтириш ва ўз фаолияти ҳақида маълумот бериш учун корхонанинг бозор билан доимий алоқаларини ўрнатиш ва сақлаб туришдир.