1-mavzu. Ma’lumotlar bazasi obyektlarini yaratish

6-mavzu. Ichma-ich so’rovlar.

Ichma-ich so’rovlardan foydalanish. Ichma-ich so’rovlarni yozish tartibi. Operatorlarning ketma-ketligi. EXITS operatori

7-mavzu. Ko’rinishlar.

Select operatori yordamida virtual jadvallar yaratish. Ko’rinish yaratish va undan foydalanish. CREATE VIEW komandasini ishlatish. Ko’rinishdan foydalanish afzalliklari.

8-mavzu. Proseduralar.

Reja:

1. 
   SQL protsedura nima?
   
2. 
   Protsedurani yaratish
   
3. 
   Protsedurani ishga tushirish
   
4. 
   Protsedurani o’chirish
   
5. 
   Protseduradagi parametrlar
   
6. 
   Qiymat uzatish shart bo’lmagan parametrlar
   
7. 
   Chiqish parametrlari
   
8. 
   Qiymatni qaytarish
   

T-SQL da ikki turdagi dastur qismi mavjud:

• 
  saqlangan protseduralar;
  
• 
  foydalanuvchi tomonidan e`lon qilingan funksiyalar(UDF).
  

SQL protsedura nima?

Ko'pincha, ma`lumotlar bilan ishlash deganda bu ma`lum bir ketma-ketlikda bajarilishi kerak bo'lgan instruksiyalar(ko`rsatmalar) to'plami nazarda tutiladi. Masalan, tovar buyurtmasi haqidagi ma`lumotlarni qo'shishda siz buyurtmalar jadvaliga ma`lumotlarni kiritishingiz kerak. Biroq, bundan oldin siz buyurtma qilingan tovarning omborda bor yoki yo`qligini tekshirishingiz kerak. Bu uchun bir qator qo'shimcha shartlarni tekshirish kerak bo'lishi mumkin. Ya'ni, aslida, tovarni sotib olish jarayoni ma`lum bir ketma-ketlikda bajarilishi kerak bo'lgan bir nechta ishlarni o`z ichiga oladi. Ushbu ishlarning barchasini bitta ob`ektga inkapsulyasiya qilish ma’qulroq bo’ladi. Bunday ob`yektlar - saqlangan protsedura(xranimaya prosedura (stored procedure)) deyiladi.

Ya'ni, mohiyatiga ko`ra saqlanadigan protseduralar bu bir butun sifatida bajariladigan instruksiyalar to'plamidir. Shunday qilib, saqlangan protseduralar murakkab operasiyalarni soddalashtirishi va ularni bitta ob`yektga keltirishi mumkin. Agar ma`lum vaqtdan keyin tovarlarni buyurtma qilish jarayoni o`zgarsa, unda protsedura kodini o`zgartirish kifoya. Ya'ni, protsedura kodni boshqarishni ham osonlashtiradi.
Saqlangan protseduralar, shuningdek, jadvallardagi ma`lumotlarga kirishni cheklash imkonini beradi va shu bilan ushbu ma`lumotlarga nisbatan qastdan yoki bilmasdan qilingan ishlar ehtimolini kamaytiradi.