1-mavzu. Ma’lumotlar bazasi obyektlarini yaratish

17-mavzu. Ma’lumotlar bazasini zaxira nusxasini olish va qayta tiklash.

Reja:

1. 
   Qayta tiklash modellari
   
2. 
   Zaxira nusxalari turlari
   
3. 
   Tranzaksiyalar jurnali
   
4. 
   Qayta tiklash modellari misollar
   

Qayta tiklash modellari

Zaxira nusxasini sozlashni boshlashdan oldin qayta tiklash modelini tanlash kerak. Optimal tanlov uchun tiklash talablarini va ma`lumotlar yo`qotilishining bahosini aniqlashingiz kerak, hamda ularni ma`lum bir qayta tiklash modelini qo`llash uchun qilinadigan xarajatlar bilan taqqoslash kerak.
Ma`lumki, MS SQL ma`lumotlar bazasi ikki qismdan iborat: ma`lumotlar bazasining o`zi va uning tranzaksiyalar jurnali(loglar). Ma`lumotlar bazasida joriy vaqtdagi foydalanuvchi va xizmat ma`lumotlari mavjud, tranzaksiyalar jurnalida esa ma`lum bir davrdagi ma`lumotlar bazasida amalga oshirilgan barcha o`zgarishlarning tarixini saqlanadi. Tranzaksiyalar jurnaliga ega bo'lgan holda, biz ma`lumotlar bazasining holatini istalgan vaqt momentidagi holatiga qaytarishimiz mumkin.
Ishlab chiqarish muhitida foydalanish uchun ikkita qayta tiklash modeli taklif etiladi: oddiy va to'liq. To’liq protokollashtirilmagan model ham mavjud, ammo u faqat to'liq modelga qo'shimcha sifatida tavsiya etiladi.
Oddiy model faqat ma`lumotlar bazasining zaxira nusxasini yaratishni nazarda tutadi, shuning uchun biz ma`lumotlar bazasining holatini faqat zaxiralash paytidagi holatiga tiklashimiz mumkin. Oxirgi zaxira nusxasi yaratilishi bilan hozirgi vaqt oralig'idagi barcha o`zgarishlar yo`qoladi. Shu bilan birga, oddiy tiklash kichik xarajatlarga ega: ma`lumotlar bazasining nusxalarini saqlashingiz kerak, tranzaksiyalar jurnali avtomatik ravishda olinmaydi va zaxira hajmi kattalashmaydi. Bundan tashqari, tiklash jarayoni eng sodda va ko'p vaqt talab qilmaydi.
To'liq model ma`lumotlar bazasini istalgan vaqtdagi holatiga tiklashga imkon beradi, ammo ma`lumotlar bazasini zaxiralash bilan bir qatorda, tranzaksiyalar jurnalining nusxalarini ham butun vaqt davomida saqlashni talab qiladi. Ma`lumotlar bazasi bilan faol ishlashda tranzaksiyalar jurnalining hajmi katta bo'lishi mumkin. Qayta tiklash jarayoni ham ancha murakkab va ko'p vaqt talab etadi.