1 мавзу Кириш. Физик кимёвий тахлилнинг асосий тушунчалари

Мустақил компонентлар сонига қараб система бир-, икки-, уч- , тўрткомпонентли ва хоказо бўлиши мумкин.

Бир компонентли системага мисол: сув ёки туз.
Икки компонентлига- туз ва сув (масалан Н₂О-Na₂SiF₆, Н₂О-NaCl, H₂O-KNO₃ ва ҳ).
Учкомпонентлига – сув ва бир хил ионли икки туз (Масалан, Н₂О-NaCl-KCl; H₂O-NaCl-Na₂SO₄; H₂O-MgSO₄-MgCO₃).

Тўрт компонентли – сув ва бир хил ионга эга бўлган уч хил туз(NaCl+KCl+MgCl₂+H₂O).

Сув ва умумий ионга эга бўлмаган икки туздан иборат система ҳам тўрт компонентли бўлиб, бундай система ўзаро алмашинувчи система дейилади. (масалан, NaCl+KNO₃ = NaNO₃ + KCl).
Бу системаларда мустақил компонентлар сув ва тенгламадаги хоҳлаган учта туз.
Ҳоҳлаган системадаги бир-бирига боғлиқ бўлмаган компонентлар сони, системани ташкил этувчи компонентлар сонидан, улар ўртасида бориши мумкин бўлган кимёвий раекциялар сонини айирмасига тенг. Узаро таъсир этувчи сувли NaCl+KNO₃ = KCl + NaNO₃ системасида моддалар сониниг бешта (H₂O,NaCl,KNO₃,KCl,NaNO₃), бориши мумкин бўлган реакциялар сони битта. Шунинг учун система тўрткомпонентли дейилади.


1.2. Тузлар системаси ва уларнинг таркибини ифодалаш усуллари.

Тузларнинг системалари турлича ифодаланади:

Бир хил ионли системалар;
NaCl – KCl – MgCl₂ – H₂O ёки Na⁺,K⁺, Mg²⁺, // Cl^-, H₂O
Ўзаро таъсир этувчи системалар;
NaCl + KNO₃ = KCl + NaNO₃ (H₂O)
NaCl – KNO₃- H₂O ёки KCl – NaNO₃ – H₂O
Na⁺, K⁺, // Cl^-, NO₃^- (H₂O).

Эрувчанлик диаграммасини тузишда, система таркиби бутунлигича ёки уни айрим фазалари компонентлар концентрациясини қуйидаги усулларда ифодалаш мумкин.

Уч компонентли системаларда:
1.100г эритмада эриган моддани грамм миқдори оғирлик фоизи.
2. 100г (ёки 1000г) сувда эриган моддаларни грамм миқдори: г/100гН₂О ёки г/1000г.Н₂О
3. 100 ёки 1000моль сувда эриган моддалар моль сони: моль/100мольН₂О; моль/1000моль Н₂О.
Икки компонентли системалар таркиби фақат оғирлик ёки моляр фоизларда ифодаланади.
Икки ва кўп компонентли системалар, эритмаларда сувни бир хил хароратда бўғлатиш ёки сувда (ёки кислоталарда) қаттиқ компонентларни эритиш, шунингдек системани совитиш ва иситишда системадаги ҳолат узгариши билан боғлиқ бўлган сифат ва миқдорий масалаларни ечишга имкон берди.
Уч ва ундан ортиқ компонентли системалар эрувчанлик диаграммаси, компонентлардан бири иккинчисини эрувчанлигини камайтириши ёки купайтириши мумкин бўлган жараёнларини ҳам қарайди.
Барча компонентлари ўзаро таъсирда бўлган системалар мувозанат ҳолатга интилади. Мувозанат ҳолатда системани ташкил этувчи компонент ва фазаларнинг ҳарорати, босими ва кимёвий потенциали тенг бўлади. Система мувозанат ҳолатдан қанча узоқ бўлса жараён шунча тезлик билан кетади. Шунинг учун технологик муоммоларни ечишда системани мувозанат шароитларини билиш муҳим.