1-Mavzu: Iste’molchi xulq atvori fan sifatida Reja

1-Mavzu: Iste’molchi xulq atvori fan sifatida
Reja:
1.1. «Iste’molchi xuluq-atvori» fanining o‘rganish ob’ekti, predmeti va vazifalari
1.2. Iste’molchi xulq - atvori - marketing yo‘nalishlaridan biri sifatida.
1.3. Iste’molchi xulq - atvori va mahsulot qimmatdorligi.
1.4. Iste’molchi xulq - atvorini o‘rganishda qo‘llaniladigan usul va uslublar.


1.1. «Iste’molchi xuluq-atvori» fanining o‘rganish ob’ekti, predmeti va vazifalari

Zamonaviy kompaniya va tashkilotlarni yo‘naltirishning asosi marketing tushunchasidir. Tashkilotning maqsadlariga erishish mijozlarning so‘rovlarini qanchalik yaxshi o‘rganganligi va ularni raqobatchilardan ko‘ra to‘liq va samarali bajarganligiga bog‘liq.

Shunday qilib, mijozlar ehtiyojini qondirish - marketing konsepsiyasining asosiy yo‘nalishi hisoblanadi.
Bozorlarda raqobatning kuchayib borishi, tabiiyki, ishlab chiqaruvchilar e’tiborini iste’molchilarning xulq-atvor mehanizmlarini o‘rganishga va bu mexanizmlardan o‘z maqsadlariga erishish uchun foydalanish imkoniyatlariga qaratadi.
Har kuni biz iste’molchilar xatti-harakatidagi har xil holatlarga duch kelamiz. Bugun kechqurun qaysi TV dasturini tomosha qilamiz, gazetani reklamalar bilan o‘rganamiz, adio tinglaymiz yoki internetga kiramiz?- bu kabi harakatlarni biz o‘zimiz hal qilamiz. Kishilarning bu harakatlari iste’molchilarning xatti-harakatlarini tadqiq qilish doirasiga kiradi.