1-мавзу. Ишлаб чиқаришни бошқаришда иқтисодий ахборотларнинг роли, хусусияти ва характерли турлари режа

Иқтисодий ахборотларнинг характерли турлари.

Ахборотни турли белгиларга қараб таснифлаш мумкин.
1. Ахборот олиш услуби бўйича қуйидагиларга кўра
таснифланади;
А) тадқиқот давомида бевосита сўров ўтказиш орқали. Сўров почта ёки факс бўйича жўнатилган сўров варақалари ёрдамида, телефон сўзлашувлари ва шахсий суҳбат йўли билан олиб борилиши мумкин;
Б) даврий ва махсус адабиётларни ўрганиш орқали;
В) маълумотларни телефакс ёки тайёрланаган магнитли ташувчиллар воситасида узатиш. Одатда бу ахборот махсус ахборот агентликлари Сўрови буйича амалга оширилади. Бундай ахборот у ёки бу муаммо ёки муҳитга мувофиқлиги, шунингдек тўлақонлиги ва ишонарлилиги билан ажралиб туради. Маълумот ва хабарларни оптик дискларда узатиш сўнгги йилларда кенг оммалашди.
2. Қайта ишлаш усулига кўра маълумотлар бирламчи, иккиламчи, ҳосила, мантиқий хулоса ва якунларга бўлинади. Жумладан, бошланғич ахборот одатда воқеликда юз берувчи жараёнларни кузатиш натижасида шаклланади ва қайта ишланмасдан қайд этилади. Иккиламчи ахборот ўз асосига кўра бирламчи маълумотларга таянади. Ҳосила ахборот дастлабки, иккиламчи ёки бошқа ахборотни қайта ишлаш натижасида ҳосил бўлади. Шу билан бирга, тадқиқотларда бошланғич ахборот сифатида режалашатириш, ҳисоб ва таҳлил вазифаларини ҳал этиш жараёнида олинган маълумотлар келтирилади. Шу муносабат билан бошланғич ва ҳосила ахборотни уни юзага келиши муҳити ва фойдаланиш нуқтаи назаридан кўриб чиқиш мумкин.
3 Тадқиқот объекти нуқтаи назаридан ахборот энг аввало ташқи макромуҳит таъсирини ҳисобга олган ҳолда малумотлар базасини яратиш ва автоматлаштирилган маълумотлар банкларидан фойдаланиш учун анча асосланган йўналишни танлаш мақсадида бозор эхтиёжи ва талабларини ўрганишга йўналтирилган
4. Функционал вазифасига кўра ахборотни қуйидагича таснифлаш мумкин:
а) янги товарларни ишлаб чиқариш ва сотишда бозорда фирманинг молиявий, иқтисодий аҳволи қандай бўлишини очиб берувчи ахборот;