1-мавзу: Ижтимоий сиёсатнинг объекти ва предмети Режа: Ижтимоий сиёсатнинг объекти ва предмети, ривожланиш

2. Ижтимоий сиёсатни олиб бориш методлари 
Ижтимоий сиёсатни таҳлил этиш жараёнида маълумотларни тўплаш, 
таркибий кетма-кетлик асосида тартибга солиш, миқдорий таҳлил, сифат 
таҳлили, аралаш таҳлил, кўп укладли, иерархик методлардан узвий кетма-
кетликда фойдаланиш орқали юқори самарага эришиш мумкин бўлади.
4
Маълумотларни тўплаш учун анкета сўровномалари ўтказиш, интервью 
олиш ёки кузатиш йўли билан амалга оширилади. Бунда бирламчи 
маълумотлар йиғилади. Ушбу маълумотларни йиғиш ҳар бир мамлакатда 
мунтазам тарзда ўтказиш лозим. Чунки жамиятда вужудга келаётган 
ижтимоий муаммоларни узвий тарзда кузатиш ва уларни ҳал этиш чора-
тадбирларини амалга ошириш натижалари тўғрисида маълумотлар базасини 
шакллантиришда катта аҳамият касб этади.
Йиғилган маълумотларни таркибий кетма-кетлик асосида тартибга 
солиш маълумотларни тизимли тарзда ўрганиш имконини беради. Бунда 
маълумотларнинг 
долзарблиги 
ёки 
ривожланиш 
даражаси 
ёки 
муаммоларнинг сони бўйича гуруҳлаш асосида яхлит тизимлаштирилади. 
Тизимлаштирилган маълумотлар миқдорий ва сифат жиҳатидан таҳлил 
этилади. Миқдорий таҳлилда йиғилган маълумотларнинг сон жиҳатидан 
таҳлили амалга оширилса, маълумотларни сифат жиҳатидан таҳлил қилиш 
эса ижтимоий сиёсатни амалга оширишда қўлланилган чора-тадбирларни 
самарадорлиги кўрсаткичида ифодаланади. Ушбу икки методни бир вақтнинг 
ўзида қўлланилиши аралаш метод ҳисобланади. 
Кўп укладли методлар икки ёки ундан ортиқ методларни бирданига 
қўллашни билдиради. Умуман олганда ҳар бир ижтимоий тадқиқотлар 
амалиётда бир неча методларни қўллаш орқали амалга оширилмоқда. Бу эса 
ўз навбатида юқори самара беради. 
Иерархик метод – ижтимоий тадқиқотларнинг тузилиши, яъни таркиби, 
ўзгаришларнинг ўзаро узвий кетма-кетлиги, ривожланиш босқичларини 
ўзида мужассамлаштиради. Мазкур метод одатда тиббиёт соҳасида кўп 
қўлланилади. Масалан, касалликнинг вужудга келиш сабаблари, унинг 
ривожланиши ёки унга қарши воситаларнинг қўлланилиши натижасида 
кишида намоён бўладиган ижобий ўзгаришларни узвий тарзда қайд этиб 
бориш иерархик методни ифодалайди. Тиббиёт соҳасида мазкур методнинг 
қўлланилиши мета-анализ ёки квази-экспериментларни ўтказиш жараёнидаги 
“Олтин стандарт” ҳисобланади.