1-Mavzu. Harakatli o`yin va milliy o`yinlarning paydo bo`lishi. Reja: Harkatli no`yinlarning paydo bo`lishi 2

8-mavzu. Futbolning paydo bo`lishi va rivojlanish tarixi. O`zbekistonda futbolni kirib kelishi va rivojlanishi.

Reja:

1. Futbolning paydo bo`lishi va rivojlanish tarixi.

2. O`zbekistonda futbolni kirib kelishi va rivojlanishi.

3. Futbol o`yini qoidalari.
Futbol keng xalq ommasini jismoniy rivojlantirishning, uning salomatligini mustahkamlashning eng ommabop, binobarin, eng ommaviy vositasidir. Bu kattalarga ham, o’smirlarga ham, bolalarga ham birdek ma’qul bo’lgan chinakam xalqchil o’yindir.

Futbol o’yining negizida o’yinchilarni umumiy maqsad- g`alabaga intilish birlashtirib turgan jamoalardan ikkitasining kurashi yotadi. G`alabani qo’lga kiritishga intilish futbolchilarni jamoa bo’lib harakat qilishga, bir-biriga o’zaro yordam berishga o’rgatadi, do’stlik va o’rtoqlik tuyg`ularini tarbiyalaydi.

Futbol mashg`ulotlari va musobaqalari ko’pincha iqlim va meteorologiya sharoiti keskin o’zgarib ketadigan sharoitda qariyb yil bo’yi davom etgani uchun, bu o’yin jismoniy jihatdan chiniqishga ham, organizmning qarshilik ko’rsatish qobiliyati ortishi va adaptastiya imkoniyatlari kengayishiga ham yordam beradi.

Afsuski, futbol bo’yicha adabiyotimiz, ayniqsa o’zbek tilida juda kam. Lekin futbol o’yini hammaga yoqadi. Futbolni barcha yoshdagi odamlar o’ynaydilar, shuni ham aytib o’tish kerakki, har bir o’yinning o’ziga xos qonun qoidalari bor. Xuddi shunday futbolning xam aniq belgilangan qonun qoidalari bor. Keyingi vaqtlarda yuz bergan qoidalardagi o’zgarishlar ham kursatib o’tilgan. Shu bois bu o’quv uslubiy qo’llanma jismoniy tarbiya mutaxasisligidagi talabalar, yosh o’qituvchilar va tarbiyachilarga mo’ljallangan. Ularga yordam beradi degan umiddamiz.