1-mavzu: Geografiyani o’qitishda o’quvchilarning bilish faoliyatini tashkil etish va boshqarish yo’llari Reja

1-MAVZU: Geografiyani o’qitishda o’quvchilarning bilish faoliyatini tashkil etish va boshqarish yo’llari
Reja
1. Geografiya ta’limi mazmunining tarkibiy qismlari.
2. Geografiya darslarida o’quvchilarni to’laqonli o’quv – bilish jarayonining sub’ektiga aylantirish yo’llari.
3. O’quvchilarning bilish faoliyatini tashkil etish bosqichlari.
4. O’quvchilarning bilish faoliyatini tashkil etish shakllari.
Asosiy tushuncha va tayanch atamalar: O’quvchilarning bilish faoliyati, sub’ekt-sub’ekt munosabatlar, yalpi, individual va kichik guruhlarda o’qitish.
Mashhur chex pedagogi Yan Amos Komenskiy “Buyuk didaktika” nomli asarida geografiyaning mazmuni va o’qitish haqida muhim g’oya va fikrlarni ilgari surib, geografiyani quyi maktablardan to akademiyalargacha bo’lgan barcha bo’g’inlarda o’qitilishi shart deb hisoblaydi. Komenskiy bolaning beshigi va onasi turgan uy uning geografik ma’lumot oluvchi manbai bo’lishi kerak, deb hisoblaydi.
Geografiya ta’limi mazmunining tarkibiy qismlari.
Geografiya - o’zaro chambarchas bog’langan, yerning geografik qobig’ini, tabiiy va ishlab chiqarish komplekslarini va ularning tarkibiy qismlarini o’rganadigan tabiiy (tabiiy geografiya) va ijtimoiy (iqtisodiy geografiya), hamda maxsus geografik fanlar tizimidir.
Geografiya ta’limi uzluksiz ta’lim tizimining barcha bo’g’inlarida tashkil etiladigan pedagogik jarayonning ajralmas va uzviy bog’langan tarkibiy qismi sifatida mazkur ta’lim muassasaslari i oldiga qo’yilgan umumiy maqsadlarga muvofiq barkamol o’quvchi shaxsini, yetuk mutaxassisni tarbiyalashga xizmat qiladi. SHuningdek, geografiya ta’limi o’quvchi va talabalarda Yer to’g’risidagi ilmiy dunyoqarashlarni shakllantiradi, ijtimoiy-iqtisodiy bilimlarni tarkib toptiradi, dunyo davlatlari va turli regionlarda jamiyat va tabiatning o’zaro bog’liqligi, geografik ob’ekt, jarayon va hodisalar haqidagi bilim va tushunchalar bilan qurollantiradi, umuminsoniy madaniyatni tarkibiy qismi bo’lgan geografik madaniyatni tarbiyalaydi.