1-Мавзу: Геномика курсига кириш Геномика фанининг мазмуни ва бўлимлари. Геном

Геномиканинг ривожланиш тарихи. Геномика молекуляр генетиканинг асосий йўналиши сифатида 1980-1990 йилларда бир неча тирик организмлар геномини секвенирлаш лойиҳаларининг пайдо бўлиши билан бир вақтда шаклланди.
Энг биринчи бўлиб 1976 йилда РНК сақловчи вирус MS-2 бактериофагининг геноми секвенсланган бўлиб, геном ҳажми 3569 ж.а. 1 та хромосома.
1977 йилда бир занжирли ДНК дан ташкил топган PH-X174 бактерияфагининг геноми тўлиқ ўқиб бўлинди (5368 нуклеотид. Сингер (Кембридж)).
Энг биринчи геноми секвенсланган бактерия Haemophilus influenzae (1,8 Mb, 1995) бактериясидир. Шу йили термофил, метан ҳосил қилувчи бир ҳужайрали организм- Methanococcus jannaschii- энг биринчи секвенсланган архейдир. Геном ҳажми- 1,7 млн ж.а. Хромосома сони 1 та.
1996 йилда биринчи секвенсланган замбуруғ Saccharomyces cerevisiae ачитқисидир. Геном ҳажми 12,1 млн.ж.а., хромосома сони 32 та (Халқаро ҳамкорлик, 100 дан ортиқ лабораториялар).
Геноми тўлиқ ўқилган энг биринчи кўп ҳужайрали организм узунлиги 1мм ли юмалоқ чувалчанг- Caenorhabditis elegans нинг ўқилиши 1996 йилда бошланиб, 2002 йилда тугатилди. Геном ҳажми 100 млн ж.а. Хромосомалар сони эркакларида 11 та, урғочиларида 12 та.
Геноми аниқланган биринчи ўсимлик – Arabidoрsis thaliana дир. Унинг геноми 2000 йилда секвенсланган. Геном ҳажми 119 млн ж.а. Хромосома сони 5 та.
2002 йил – сичқон геноми секвенсланган (Mus musculus).
2002 йил – шоли геноми секвенсланган (Oryza sativa).
2005 йил - шимпанзе геноми секвенсланган (Pan troglodyte). Геном ҳажми - 3,3 млрд. нуклеотид. Хромосома сони - 48.
2013 йил - Zebra fish (Danio rerio) балиғининг геноми секвенсланган.
Шундан сўнг бир нечта турларнинг, жумладан одам геноми (2001 yil – биринчи лойиҳа, 2003 yil – лойиҳани тугаллаш) нинг нуклеотидлар кетма-кетлик тартибининг тўлиқ ўқиб бўлиниши амалга оширилди. Геномиканинг ривожланишига нафақат биохимик методларнинг такомиллаши, балки йирик маълумотлар мажмуи билан ишлашга имкон берувчи янада кучли техник усулларнинг пайдо бўлиши ҳам сабаб бўлди. Тирик организмларда геном узунлиги баъзида миллиардлаб жуфт нуклеотидлардан ташкил топади. Масалан, одам геномининг ҳажми тахминан 3 миллиард жуфт асосдан иборатдир. Маълум бўлган энг йирик геном икки томонлама нафас олувчи балиқларнинг бир турига тегишли бўлиб, тахминан 110 миллиард жуфт асос (2010 йил).