1-мавзу: Фалсафанинг предмети, мазмуни ва жамиятдаги роли Режа

4.Истиқлол ва фалсафий дунёқарашнинг янгиланиш муаммолари.

Фалсафанинг янгиланиши ва мафкуравий жараёнлар узвий боғлиқ. Фалсафий дунёқараш ижтимоий онг ва мафкурадан ажралмасдир. Мафкура жамиятдаги маънавий муҳит қандай эканини кўрсатиб турадиган энг асосий мезонлардан бири бўлса, фалсафа уни шакллантирадиган омиллар сирасига киради.

Мустақиллик, миллий манфаатларимизга мос мафкурани шакллантиришни кун тартибига қўйди. У халқимизнинг азалий анъаналари, удумлари, тили, дили ва руҳиятига асосланиб, онгимизга келажакка ишонч, меҳр-оқибат, инсоф, сабр-тоқат, адолат, маърифат туйғуларини сингдириши лозим.
Шу билан бирга, бу «Мафкура халқимизда, ўзининг қудрати ва ҳимоясига суянган ҳолда умуминсоний қадриятларга асосланиб, жаҳон ҳамжамиятидаги мутараққий давлатлар орасида тенг ҳуқуқли ўлароқ муносиб ўрин эгаллашига доимий интилиш ҳиссини тарбияламоғи керак»¹. Давлатимиз раҳбарининг фикрларида миллий истиқлол мафкурасининг дастурий вазифалари ўз ифодасини топган. Мафкура дунёқарашнинг асосини ташкил этади, жамият ва халқнинг тараққиёт йўлини белгилаб беради, жамият ва миллат ривожланишидаги етакчи ғояларни илгари суради. Шу ғоялар асосида инсонлар фаолияти, орзу-интилишлари, истиқбол режаларини аниқлашга ёрдам беради.

1