1-mavzu: din madaniyat fenomeni reja

Missionerlik tizimida protestantlikka mansub tashkilotlar ko‘pligining sabablari nimada?
Protestantlikda missionerlik din arkonlaridan biri hisoblanadi. SHuning uchun ham, bunday faoliyat bilan shug‘ullanish har bir protestant uchun farz hisoblanadi. Bu hozirda dunyodagi xalqaro missionerlarning ko‘pchiligini protestant missionerlari tashkil etilishiga o‘ziga xos g‘oyaviy-aqidaviy asos bo‘lib xizmat qilmoqda.
Protestantlar orasida birinchi bo‘lib missionerlik bilan 1772 yilda Germaniyaning Gerngut shaharchasida paydo bo‘lgan jamoa shug‘ullangan edi. Unga rahbarlik qilgan N.L.Sinsendorf Gollandiya, Angliya va SHimoliy Amerikada uzoq yillar missionerlik faoliyatini olib borishi natijasida katta jamoa tuzishga erishdi.
XVIII-XIX asrlarda protestant missonerligining yuqori cho‘qqiga chiqishi Angliyaning kolonial siyosati va XVII-XVIII asrlarda Evropada ko‘plab yangi yo‘nalishlarning paydo bo‘lishi hamda ular sonining tez ortib borishi bilan bog‘liq bo‘ldi. Bunday yo‘nalishlarning yuzaga kelishi katolik cherkovidan norozilik va yangilikka intilishining hosilasi edi. Natijada, 1795 yilda kongregatsionistlar, presviterianlar va anglikanlar kabi protestantlik yo‘nalishlari Londonda o‘zlarining missionerlik jamiyatlariga asos soldilar. XIX asr o‘rtalariga kelib protestant missionerlik tashkilotlari Belgiya, Germaniya, Daniya, Niderlandiya, Norvegiya, Finlyandiya, Fransiya, SHveysariya, SHvetsiya va boshqa Evropa davlatlarida faol ish olib bordilar.
SHu davrda SHimoliy Amerikada ham o‘nlab protestant missioner jamoalari faoliyat yurita boshladi. Faol missionerlik bilan o‘sha davrda keng tarqalgan “Bibliya” jamiyatlari va xristian adabiyotini tarqatishga ixtisoslashgan tashkilotlar shug‘ullandilar.
SHuningdek, missionerlik faoliyati bilan xristianlik doirasida yuzaga kelgan, izdoshlari soni ozchilikni tashkil qiladigan kvakerlar, mennonitlar kabi yangi konfessiyalar ham shug‘ullana boshlaganini qayd etish zarur.
Umuman olganda, bugun katoliklik va protestantlikda missionerlik bilan shug‘ullanish har bir masihiyning burchi darajasiga ko‘tarilgan