1-mavzu. “Buxgalteriya hisobi” fanining predmeti va metodi

Muhit tamoyillari.

Sotish tamoyillari.

CHeklov tamoyillari.

Muhit tamoyillari – bu hisobni yuritish uchun umumiy qoidalarni belgilovchi ko’rsatmalardir. Ularga quyidagi to’rtta tamoyil kiradi:

1. 
   Ikki yoqlamalik.
   

Xo’jalikdagi har bir voqelik bir xil summada ikki marta bir schyotning debetida va ikkinchisining kreditida ko’rsatiladi. Bu tamoyil balans tengligidan kelib chiqadi:
AKTIVLAR  MAJBURIYaTLAR + KAPITAL

2. 
   Baholash.
   

Faqat pul ko’rinishida ifoda etish mumkin bo’lgan xo’jalik voqeligigina buxgalteriya hisobida aks ettiriladi.
3. Aloxida xo’jalik yurituvchi sub’ekt
Firma o’z mulkdoriga nisbatan huquqiy jihatdan mustaqildir. Mulkdor va firmaning hisob-kitob varaqlari alohida bo’ladi va ularning majburiyatlar bo’yicha mas’uliyati bir-biri bilan kesishmaydi. Har bir xo’jalik yurituvchi sub’ektlar bo’yicha moliyaviy hisobotlar foydalanuvchilarga alohida taqdim etiladi.
4. Uzluksizlik.
Korxona qaysidir bir kuni paydo bo’ladi va qandaydir muddat faoliyat ko’rsatadi. Bu o’ziga xos tamoyil bo’lib, u quyidagi fikrga qarshi turadi: har bir odam o’zining vafot etishini biladi, shunday ekan har qanday zavod, firma va boshqalar doimiy emas. Moliyaviy hisobotlar tuzilganda va taqdim etilganda xo’jalik sub’ekti o’z faoliyatini davom ettiradi, degan faraz ustun turadi.