1-мавзу. Боғловчи моддалар р е ж а

Магнезиал боғловчи моддаларнинг хоссалари
Магнезиал боғловчи моддаларга каустик магнезит, каустик доломит киради.
Каустик магнезит – табиий магнезитдан MgСО₄, каустик доломит табиий доломитдан CаСО₄∙MgСО₄дан тайёрланади.
MgО 47,84% СО₂ 52,17% дан иборат. Магнезит табиатда кристалл ва аморф ҳолатда учрайди, жуда кам тарқалган жинс
Доломит Са ва Mg нинг қўшалоқ карбонатли тузидан, яъни MgСО₃ , СаСО₃дан иборат. Доломитнинг назарий таркиби СаСО₃-54,2% MgСО₃– 45,73% дан иборат ва табиатда тез-тез учраб туради.
Физик-механиқ хоссалари: ўртача тўкма зичлиги – 0,7 кг/л; қотишини бошланиши –40 дақиқадан сунг; қотишини тугаши – 8 соатдан сунг. Сиқилишга бўлган мустахкамлик чегараси 40...60 МПа – каустик магнезит асосидаги боғловчи учун ва 10...30 МПа – каустик доломит асосидаги боғловчи учун.
Каустик магнезит ва каустик доломит ишлаб чиқариш жараёнлари асосан хом ашёни куйдириш ва куйдирилган маҳсулотни туйишдан иборат. Магнезит куйдирилганда декарбонланади ва MgО га айланади. MgСО³нинг парчаланиши тахминан 400⁰С дан бошланади, 600-650⁰С да жуда тез боради. Магнезитнинг амалда куйдирилиш ҳарорати завод печларида 800-850⁰С дан юқори. Магнезитнинг MgСО₂га ажралиш реаксияси қайтар реаксиядир ва уни тўғри йўналишда бориши учун мўри орқали реаксия маҳсулотларидан бири СО₂ни йўқотилади, натижада куйдириш ҳарорати кўтарилади. Куйдириш ҳарорати қанча паст бўлса, каустик магнезитни сифати шунча баланд бўлади. Каустик магнезит шахта ва айланма печларида куйдирилади. Айланма печларнинг чанг тутгич қурилмаларда чанг кўп ўтиради, уларни калцийланган каустик магнезит деб юритилади.
Магнезит куйдирилгандан кейин зўлдирли тегирмонларда туйилади, агарда куйдирилган маҳсулот бўлаклари бўлак бўлса, уларни туйилишдан олдин майдаланади. Каустик доломитнинг куйдирилиш ҳарорати 650-750⁰С дан иборат. Ҳосил қилинган маҳсулотда Mg билан бир қаторда СаСО₃ қўшимчалар ҳамда оз миқдор оҳак бўлади. Шахта печларда кўтарма ўтхоналарда куйдирилади.