1-мавзу: Биология фанидан ўқув услубий мажмуалар таҳлили

1.Назарийтадқиқотлар. Бундай тадқиқотлар турли манбаларда мавжуд материалларни, далилларни ўрганиш ва умумлаштиришга қаратилган. Бундай тадқиқотлар учун танланган мавзулар ўқувчиларга биологик объектларни реал муҳитда, фаолиятда ўрганишлари ва изланишлари учун кенг кўламда материаллар бериши, турли тахминлар тузишига имконият яратиши керак. Бу эса ўқувчиларда тадқиқот ишларини олиб боришга қизиқишни орттиради ва уларни мустақил билиш фаолиятига ундайди. 5-6-синф ўқувчилари тадқиқотнинг бундай шакли бўйича иш олиб боришни бемалол уддалай оладилар. Масалан, 6-синфд аўқувчилар дастурда берилган “Чўл, тўқай, адир, яйлов ўсимликлари” мавзуси бўйича қуйидаги тадқиқот ишларини олиб боришлари мумкин: Адир ўсимликларининг яшаш муҳитига мосланишлари. Австралиялик “мирзатерак”. Бактериялар оламига саёҳат. Бактериялар бизга дўстми ё душман. Чўл ўсимликларининг яшаш муҳитига мосланишлари. Доривор ўсимликлар. Фотосинтез ёки яшил ўсимликнинг буюк сири. Ҳашаротхўр ўсимликлар. Инсоннинг яшил дўстлари. Картошканинг тарихи. Лишайниклар - атмосфера тозалигини аниқловчи индикатор. Ўсимлик номларининг сири. Ўсимлик ва инсон муносабатлари. Ўсимликлар - давлат рамзи. Рекордчи ўсимликлар. Саёҳатчи ўсимликлар. Ғаройиб ўсимликлар. Тўқай ўсимликларининг яшаш муҳитига мосланишлари. Яйлов ўсимликларининг яшаш муҳитига мосланишлари. Замбуруғлар салтанати. Ғаройиб паразит – раффлезия.
Тажрибага асосланган (экспериментал) тадқиқотлар (кузатишлар, амалий машғулотлар, тажрибалар). Тажрибалар ўтказиш кўникмаларини ўқувчилар ботаника дарсларида олиб бориладиган лаборатория ва амалий машғулотлар ўтказиш давомида ҳамда дарсдан ташқари ишлар давомида ҳосил қиладилар. Мавзулар: Картошка кўчатини чопиқ қилишнинг аҳамияти. Минерал ўғитларнинг ошпиёз ривожига таъсири. Ўсимликларни тупроқсиз ўстириш. Ўсимликларнинг юқори ҳароратга мослашуви. Ўсимликнинг уруғдан ривожланиши. Органик ўғитларнинг лавлаги ривожига таъсири. Помидор кўчатини хомток қилишнинг аҳамияти. Ташқи муҳит омилларининг хона ўсимликларига таъсири. Хона ўсимликлари баргидан кислород ажралишини ўрганиш. Ёруғликнинг ўсимликларга таъсири.