1-мавзу: Биология фанидан ўқув услубий мажмуалар таҳлили

Тадқиқотчилик лойиҳалари. Тадқиқотчилик лойиҳаларини ўқувчининг тадқиқотчилик фаолиятининг энг юқори босқичи деб ҳисоблаш мумкин. Назарий-экспресс тадқиқотлар, тажрибалар ўтказиш усулларини эгаллаган ўқувчилар махсус танлаб олинган методикалар бўйича тадқиқотчилик лойиҳаларини олиб борадилар. 5-6-синфдан бошлаб ўқувчиларда тадқиқотчиликка қизиқишнинг намоён бўлиши, тадқиқот ўтказишнинг бир қанча босқичларини ўтиши келгусида уларнинг илмий ишлари сари қўйган биринчи қадами бўлади. Масалан: Ажойиб кактуслар. Алоэ - деразамдаги яшил доктор. Атиргул - гуллар маликаси. Барчага таниш арча. Доимий яшил либос сири. Фитонцидларнинг микроорганизмларга таъсири. Фотосинтез - табиат жумбоғи. Мактаб ҳовлисидаги фитонцид ўсимликлар ҳақида. Ўсимликлар ҳаётида хазонрезгиликнинг аҳамияти. Ўсимликларнинг ўзаро муносабатлари. Полизимиздаги дорихона. Қадимдан таниш табиб. Қоқиўт - кичкина табиб. Шакли ўзгарган барглар. Шакли ўзгарган ер усти новдалари. Шакли ўзгарган ер ости новдалари. Синоптик ўсимликлар. Яшил дорихона. Яшил лаборатория. Яшил табиб. Юм-юмалоқ декча, ичи тўла михча. Заҳарли ўсимликлар. Замбуруғлар - ўсимликми ёки ҳайвон.
Ўқув фанига қизиқишнинг ортиши, адабиётлар билан ишлаш ва тажрибалар ўтказиш кўникмаларининг ортиши, дарсдан ташқари вақтда қўшимча шуғулланиш истагининг пайдо бўлиши, мустақил ишлашга интилиш, ўзининг “кашфиётлари” ва муваффақиятлари билан ўртоқлашиши - буларнинг барчаси ўқувчилар олиб борадиган тадқиқотчилик фаолиятидан кутилган ва муҳим аҳамиятли натижалардир. Тадқиқотчилик ишлари ўқувчиларни юксак ижодий фаолликка, мустақил фикр юритишга эришишларига беради. Ўқувчиларнинг ўқув-тадқиқот ишларини ташкил этишдан кутиладиган натижалар: ўқувчилар ўқув дастурида белгиланган компетенцияларга эга бўладилар; ўқув-тадқиқот усуллари ва методларини эгаллайдилар; зарур билимларни топиш учун мустақил равишда қўшимча адабиётлар билан ишлашни ўрганадилар; керакли маълумотларни танлаш, саралаш кўникмасини эгаллайдилар; тушунча ва ҳодисаларни мустақил таққослашга ўрганадилар; ўзининг шахсий фикрини билдириш, хулосалар чиқариш, ўз фикрини аниқ ва дадил ифода этиш малакасига эга бўладилар.