|
1-МАВЗУ: ҲАЁТГА ҚАРШИ ЖИНОЯТЛАР МАВЗУСИ ЮЗАСИДАН КАЗУСЛАР
1-Казус
1. А.исмли қиз ўз ўйнаши Б.нинг агар меросхўр ўғил туғиб берса, А.га 5000 АҚШ доллари пул беришини ваъда қилгани учун А. ундан ҳомиладор бўлди. А.нинг туғишига бир ой қолганда у Б. билан жанжаллашиб қолди. А. Б.нинг уни ташлаб кетганига чидай олмасдан ҳомиласини йўқ қилмоқчи бўлди. Врачлар бундай вазиятда ҳомилани тушириш унинг ҳаётига хавфли эканлигини айтди.
1-вариант. А. генеколог врач билан келишиб, бола туғилиши билан уни йўқ қилиши учун унга пул берди. А. ва генеколог-врач бола туғилган заҳоти чақалоқни ўлдиришди.
2-вариант. А. болани врачнинг ёрдамисиз ўзи ўлдирди.
Айбдор шахсларнинг ҳаракатини квалификация қилинг.
Казус бўйича саволлар:
1. А. нинг ҳаракатларига юқорида берилган вариантлар бўйича юридик таҳлил қилинг ва ҳуқуқий баҳо беринг.
2. Айбдор шахсларнинг ҳаракатини квалификация қилинг.
________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
2-Казус
2. Н. таниши К.нинг уйига меҳмонга борди. Меҳмондорчилик вақтида улар спиртли ичимликлар истеъмол қилишди ва карта ўйнашди. К. Н.нинг ёнида бўлган барча пулини ютиб олди. Н. К.нинг ғирром ўйнаганлигини баҳона қилиб, ютган пулларни қайтариб беришни айтди. Лекин К.унга рад жавобини бергач, Н. столда турган ошхона пичоғи билан уни кўкрак қафас қисмига 17 марта пичоқ уриб, уни ўлдирди. Шундан сўнг Н. ўзининг содир қилган жиноятини яшириш мақсадида, К.нинг танасини бўлакларга бўлиб, қопга жойлаштириб, уни дарёга ташлаб юборди.
Казус бўйича саволлар:
1. Н.нинг ҳаракатларини юридик таҳлил қилинг ва ҳуқуқий баҳо беринг.
2. Н.нинг ҳаракатларини квалификация қилинг.
________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
3-Казус
3. Маҳалладаги мажлисда тортишув туфайли Ф. қўшниси У.ни номусга тегиш жинояти бўйича муқаддам судланганлигини ва қамалиб чиққанлигини айтиб, ҳамманинг олдида шарманда қилди. У. мажлисдан чиқиб кетди ва албатта Ф.дан ўч олишни режалаштириб қўйди. Орадан 3 кун ўтгач тунда У. қўшниси Ф.нинг уйда ёлғиз эканлигини билиб, девордан ошиб тушди ва Ф.нинг хонасига кирди. Ф.нинг ухлаб ётганлигидан фойдаланиб, ўч олиш мақсадида У. ўзи билан олиб келган темир билан Ф.нинг бош миясига бир неча марта урди. Ф. воқеа жойида вафот этди.
Казус бўйича саволлар:
1. У.нинг ҳаракатларини юридик таҳлил қилинг ва унинг ҳаракатларига ҳуқуқий баҳо беринг.
2. У.нинг ҳаракатларини квалификация қилинг.
________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
4-Казус
4. Х. ўзининг амакиси Р.нинг фарзандлари йўқлигини ва унинг ягона қариндоши эканлигини билган ҳолда, унинг уйини ўзининг номига расмийлаштириш мақсадида ўзининг таниши бўлган муқаддам судланган (хавфли рецидивист) Н.га амакисини ўлдириш учун 3000 АҚШ доллари ваъда қилиб, уни ёллади. Н. тунда Р.нинг уйига кириб, уни ўлдиради. Уни ўлдиргач, уйда қимматбаҳо буюмлар борлигини кўриб, уларни ўзи билан олиб келади.
Казус бўйича саволлар:
1. Х. ва Н.ларнинг ҳаракатларини юридик таҳлил қилинг ва уларнинг ҳаракатларига ҳуқуқий баҳо беринг.
2. Х. ва Н.ларнинг ҳаракатларини квалификация қилинг.
________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
5-Казус
5. Қуролланган уюшган гуруҳ туман марказида жойлашган тижорат банкини ўмаришга келишиб олишди ва режага кўра уларга қаршилик кўрсатиши мумкин бўлган шахсларни ўлдиришга қарор қилишди. Гуруҳ аъзолари дастлаб банк эшиги ёнида турган битта милиция ходимини ўлдиришди. Шундан сўнг улар банкнинг барча сейф калитларини банк ходимларидан тортиб олиб, бир соат ичида ўмарган пулларини олиб чиқиб кетишаётган вақтда банк ходимларидан бири уларга жисмоний қаршилик кўрсатди. Гуруҳ аъзолари уни ҳам ўлдиришди. Шу куннинг ўзидаёқ улар қўлга олинди.
Казус бўйича саволлар:
1. Қуролланган уюшган гуруҳнинг ҳаракатларини юридик таҳлил қилинг ва уларнинг ҳаракатларига ҳуқуқий баҳо беринг.
2. Жиноятни квалификация қилинг. ________________________________________________________________________________________________________________________________________________________________________________________________________________________________________________________________________________________________________________________________________________________________________________________________________
Do'stlaringiz bilan baham: |
