1. Mashinalarni loyihalash asoslari Mashinalarning loyihalashda texnik talablar

4. Texnik loyiha. Konstruktor vazifasi.
Texnik loyiha mashinani tuzilishi to’g’risida to’liq tasavvur beruvchi texnik 
yechimlardan va ishchi hujjatlarni ishlab chiqish uchun zarur bo’ladigan 
boshlang’ich ma'lumotlar yig’indisidan iborat. Texnik loyihani tuzish jarayonida 
mashinani optimal varianti tajriba nusxalarini sinash natijalariga asoslanib 
tanlanadi; texnologik parametrlari aniqlanadi; muhim detallar mustahkamlik va 
puxtalikka hisoblanadi; mashinani texnik topshiriq talablariga muvofiqligi, 
tayyorlashni qulayligi va murakkabligi, boshqarish usullari, uni tashish va 
ishlatiladigan joyda montaj qilish va ishlatish qulayligi, ta'mirlashni maqsadga 
muvofiqligi, sotib olinadigan detal va materiallar ro’yxati, detallar va uzellar 
chizmasi va boshqalar tayyorlanadi. 
Konstruktorning vazifasi xalq xo’jaligi talablariga to’la javob beradigan, 
iqtisodiy samarali, yuqori texnik – iqtisodiy va ekspluatatsion ko’rsatkichlarga ega 
bo’lgan mashina yaratishdir.
Bosh ko’rsatkichlarga yuqori unumli, tejamlilik, mustahkamlik, ishonchlilik, 
kichik massa, metall sarfini kamligi, o’lchamlar, quvvat sarfi, ta'mirlash ishlarini 
hajmi va narxi, xizmat ko’rsatishni soddaligi va xavfsizligi, boshqarishni 
qulayliklari kiradi. 
Mashinalar konstruktsiyasini yaratishda texnik estetika talablarini hisobga 
olish zarur. Mashinani tashqi ko’rinishi bejirim, chiroyli bo’lishi kerak.