1. Mashinalarni loyihalash asoslari Mashinalarning loyihalashda texnik talablar

---

1 
4-Mavzu: Transport vositalarini konstruksiyalash asoslari (Solid Edge V20 va 
Solid Works dasturlari asosida). 
Reja: 
1.
 
Mashinalarni loyihalash asoslari 
2.
 
Mashinalarning loyihalashda texnik talablar.
3.
 
Texnik topshiriq. Eskiz.
4.
 
Texnik loyiha. Konstruktor vazifasi 
1. Mashinalarni loyihalash asoslari. 
Hozir Respublikamizda avtomobilsozlik zavodlari, ixtisoslashtirilgan 
konstruktorlik byurolari va juda ko’p ilmiy tadqiqot institutlari yangi mashina va 
mexanizmlarni yaratish borasida unumli faoliyat ko’rsatib kelmoqdalar.
Avtomobillarni ishlab chiqarishni kompleks mexanizatsiyalash uchun 
Respublikamizning turli xududlaridagi tabiiy iqlim sharoitlarini hisobga oluvchi 
ilmiy asoslangan mashinalar tizimi yaratilgan, avtomobil va mashinalar har besh 
yillikka tuziladigan mashinalar tizimi asosida yaratiladi.
Avtomobilsozlikda ishlab chiqarilayotgan avtomobillarni metall sig’imini 
kamaytirish, ekspluatatsoin ko’rsatkichlarni yaxshilash ishlari olib borilmoqda; 
gidravlik va elektr yuritmalar, avtomatik boshqarish vositalari ishlab chiqarishga 
joriy etilmoqda. 
Loyihalash
– taklif etilgan bo’lajak ob'ektning loyihasini, yangi prototipini, 
timsolini yaratish jarayonidan iborat. Loyihalash jarayonida tizimlar va ularni 
tashkil etuvchi elementlarni strukturasi hamda ishlashga oid ma'lumotlar, 
jumladan, ular keltiradigan foyda, ishlatishga sarflanadigan harajatlar, ularni 
mehnat unumdorligi, puxtaligi, chidamliligi va boshqa ma'lumotlar beriladi.
Mashinalar kompleksi - deyilganda sanoatning barcha tarmoqlarida 
mahsulot ishlab chiqarish bo’yicha rejalashtirilgan barcha jarayonlarni yil 
davomida belgilangan muddatlarida kam mehnat va mablag’ sarflab bajara 
oladigan sanoat mashinalari yig’indisiga tushuniladi.