1-mashg’ulot mavzu: Yo’sintoifalar Bryophyta bo’limi

Ishni bajarish tartibi va topshiriqlar

1. 
   Oddiy marshantsiyaning tirik, fiksirlangan yoki gerbariy materiallaridan foydalanib, lupa yordamida tashqi tuzilishini ko’zdan kechiring. Tallomini shoxlanishini, rizoidlarni, amfigastriyalarni, anteridiyli va arxegoniyli tirgovuchlarini chizib oling.
   
2. 
   Oddiy marshantsiyaning ichki tuzilishini tirik yoki fiksirlangan materiallar asosida kesma tayyorlab mikroskop yordamida kuzating. Havo kameralarini, ustitsalarni (og’izchalarini), assimilyator va parenxima xujayralarni joylanishiga e’tibor berib, ularni rasmga tushiring.
   
3. 
   Vegetativ ko’payish uchun xizmat qiladigan organ - savatchalarga e’tibor bering va ularda joylashgan kurtaklarni nina yordamida ajratib mikroskop ostida ko’ring va chizib oling.
   
4. 
   Jinsiy ko’payish organlari - anteridiy va arxegoniylarning tirgovuchlarda joylashgan o’rni bilan tanishing. Anteridiy qismidan kesma tayyorlab, mikroskop ostida ko’ring. Oval bo’shliqlarga va anteridiylarga e’tibor bering, rasmlarni chizib oling. Arxegoniyli qismidan ham preparat tayyorlang va uning tuzilishini o’rganing.
   
5. 
   Yetilgan sporogoniyning tuzilishi bilan tanishing. Ko’sakchada rivojlangan spora va elateralarni preparatlardan foydalanib mikroskop ostida kuzating, ularning shaklini chizing.
   

Nazorat savollari
1. Oddiy marshansiya o’simligi qayerlarda o’sadi?
2. Tallom deb nimaga aytiladi?
3. Tallom qanday anatomo - morfologik tuzilishga ega?
4. Oddiy marshantsiya necha xil yo’l bilan ko’payadi?
5. Anterediy va arxegoniylar tallomning qaysi qismlarida hosil bo’ladi va ular qanday tuzilishga ega?
6. Arxegoniylar qanday qavatlar bilan himoyalangan?
7. Ko’sakchada qanday to’plamga ega bo’lgan sporalar hosil bo’ladi va ularni tarqalishi nimalar yordamida amalga oshadi?
8. Kakku zig’iri o’simligining anatomo - morfologik tuzilishida qanday o’ziga xoslik mavjud?