1-Ma’ruza real vaqt tizimlarining asosiy tushunchalari

Avtomatlashtirilgan boshqaruv tizimlariga talablar

Ma’lumotlarni qayta ishlash vazifalarini echishda odam (foydalanuvchi) tomonidan kompyuterning qo’llanilishiga ikki variant ko’rib chiqamiz (1 rasm). Rasmdagi “a” sxemadan foydalanishda foydalanuvchi atrof muhitning obekt va jarayonlarini o’rganadi, bunda kompyuter atrof muhit hodisalarining modelini yaratish, algoritm va dasturlar yordamida obekt yoki jarayonlarning borishini o’rganish va atrof muhitga ta’sir qilish uchun tadqiqotlar natijasidan foydalanishga yordam beradi. Bunda o’rganish vaqti va ta’sir qilish vaqti ish effektivligining bosh ko’rsatkichi hisoblanmaydi. Matematik modelning o’rganilayotgan jarayonga moslik darajasi va qayta ishlashning aniqligi asosiy talab hisoblanadi, bunda kompyuter yoki kompyuter tizimi yordamchi vositalar hisoblanadi.