SRM – (Computer Peripherals Modul) - mashina periferiyasi moduli. Bu modul tashqi xotirani va "kishi - mashina" dialogi uchun terminalni boshqarish uchun ishlatiladi. Modul tizimga texnik xizmat ko‘rsatish uchun ham ishlatiladi.
ISDNSM-ISDN abonent moduli. Bu modul har xil turdagi axborotni (telefon, paket va boshqa) uzatish ta’minlaydi.
ISDNTM - integral abonentlar tarmog‘i bilan aloqani ta’minlash moduli. Modul 2048 Kbit/s tezlikda ishlaydigan guruhli 32 kanalli traktga xizmat ko‘rsatadi. U xabar paketi yoki signallashga ishlov beradi.
ISDNJM - ISDN chiqarilgan abonent blokining interfeysi moduli. Bu modul analog - raqamli aralash konsentratori bo‘lib hisoblanadi. Bu shahar va qishloq sharoitiga mos loyihalashtirilgan modul. Konsentrator 976 gacha chiqarilgan analog abonentlarini ulashga yo‘l beradi. Modul RKM ga abonent guruhini raqamli ulash liniyasi bo‘yicha ulashni ta’minlaydi.
HCCM-HJGH-Common Channel Modul - 7 sonli UKS moduli (yukori unumdorlik umumkanal moduli).
ASE - qo‘shimcha boshqaruv qurilmasi.
DSN - raqamli kommutatsiya maydoni.
DSN vaqt - fazoviy kommutatsiya tizimidan iborat. Maydon har xil chaqiruvga xizmat ko‘rsatish bosqichida har xil terminal modullar va tizim modullar orasida ulashni o‘rnatish uchun ishlatiladi. S-12 tizimda to‘liq
taqsimlangan boshqarishga ega bo‘lgani va "umumiy shina" bo‘lmagani uchun modullar orasidagi hamkorlik RKM orqali hosil qilingan traktdan bajariladi.
Modullar tuzilishi S-12 tizim hamma boshqaruv modullari bir-biri bilan raqamli kommutatsiya maydonida ulovchi traktlar orqali ulanadi. Tizim hamma modullari asosan bir xil tuzilgan, ya’ni bir xil tuzilishga ega. Modul ikki qismdan iborat. Terminal sxema yoki terminal va boshqaruv elementi TSE dan. Terminal sxemalar (Terminal Circuits) bu maxsus uskuna bo‘lib, modulning vazifasiga muvofiq ish bajaradi. Terminalning boshqaruv element TSE yoki terminal boshqaruv elementi xotirali (Memoru) mikroprotsessorlardan (Processor) va terminal interfeysi (Terminal interface) deb nomlangan uskunadan iborat.
S - 12 tizimi terminalsiz modullar ham bor. Bunday modullar qo‘shimcha boshqaruv uskunalar yoki qo‘shimcha boshqaruv elementlari ASE deyiladi va terminal interfeysi orqali raqamli kommutatsion maydonga ulanadi. ASE tizimning qolgan boshqaruv uskunalari uchun yordam berish vazifasini bajaradi. Ular tarifikatsiyani tahlil qilishadi, kanallar resurslarini taqsimlaydi, statistikaga qayta ishlov beradi va boshqalar. Terminal boshqaruv elementi, TSE ikkita pechatli platada tashqil topgan.
Bittasida (RVA) protsessor va xotira, boshqasida terminal interfeysining (TERA) pechatli platasi joylashgan. Hozirgi vaqtda aralash pechatli plata - protsessor - xotira- terminal interfeys (MSIA) ishlab chiqilgan.
Protsessor (mikroprotsessor Intel - 8086) boshqaruv elementining asosiy qismi bo‘lib, bajaradigan jarayonlarni boshqarish uchun mo‘ljallangan taktli chastota, shu platada joylashgan taktli generator yordamida generatsiya qilinadi. Protsessor platasi shikastlangan joylarni aniqlashini ta’minlaydi va ularni korreksiya qiluvchi vositalariga ega.
Bundan tashqari, taymerni nazorat qilish va xotirani himoya qilishni ham bajaradi. SE boshqaruv elementining dastur ta’minoti xotirada saqlanadi. Xotira 256 Kbaytli dinamikli OXK mikrosxemalardan tuzilgan. Xotira 1 Mbayt axborotni saqlash uchun mo‘ljallangan. Xotira bloki yagona xatolarni aniqlaydi. Xotiraga murojaat qilish uchun protsessor yuqori tezlikdagi HSB shinasi ishlatiladi. Bu shina terminal interfeysni boshqarish uchun ishlatiladi. Terminal sxemani boshqarish uchun past tezlikdagi LSD shinasi ishlatiladi.
Terminal interfeys TI terminal va raqamli kommutatsiya maydoni orasidagi interfeys bo‘lib hisoblanadi. U boshqaruv elementining kommutatsiya maydoni IKM trakti kanallariga kirishni ta’minlaydi. TI orqali boshqaruv elementi xabarlar paketlari bilan boshqa TSE lar bilan almashishi mumkin.
Terminal interfeys TERA platasida joylashgan. TI ishini bajarish uchun juft qabul qilib uzatuvchi portlarga ega. Juft port terminal bilan va ikki juft port esa raqamli kommutatsiya maydoni bilan aloqa qilish uchun xizmat qiladi.
Boshqaruvning bitta qabul qiluvchi porti (Port controller-Poco) takt impulslarini, ovozli signallarni va joriy vaqtdagi signallarni taqsimlash tizimi bilan ulangan.
Ikkita qabul qiluvchi va ikkita uzatuvchi portlar mikrosxema QUAP turida bajarilgan. Hamma port multipleksli shina TDM- Time Division Multiplex bilan bog‘langan. Boshqaruv portini bog‘lovchi trakt orqali har biri o‘zining vaqtli kanalidan tonal signallar uzatiladi.
Har bir TDM shinasi orqali kiruvchi kanal istalgan chikuvchi kanal bilan ulanishi mumkin.
Bu har qanaqa tonal signalini, istalgan chiquvchi kanalga boshqaruv protsessori boshchiligida kerakli port va kanallari yordamida kommutatsiya yo‘li bilan uzatishga imkon beradi. Bu shina orqali axborotni terminal va kommutatsiya maydoni orasida uzatish mumkin. Terminal interfeys tarkibida (Packet RAM 2/4 Kbayt) hajmli paketli OXK bor. TSE protsessori bu xotiradagi xabarlar paketini qabul qilish va uzatish uchun ishlatiladi.
