1-Maruza Kirish

Tezkor (operativ) nazoratning vazifasi qurilish montaj ishlarini bajarish 
davrida  h’osil  bo’ladigan  kamchiliklarni  o’z  vaqtida  aniqlash  va  bartaraf 
etishdir.  Tezkor  nazorat  tarkibiga  ishlarni  olib  borish  ustidan  doimiy  tizimli 
nazorat  va  yopiladigan  ishlarni  topshirish  qabul  qilishlarga  oid  oraliq  nazorat 
kiradi. 
 
Qurilish - montaj ishlarining sifati ustidan tizimli nazorat yuritish ishlarni 
bajarish  loyih’a,  shuningdek,  amaldagi  qoida  va  yo’riqnomalarga  muvofiq 
bo’lishini taminlashga 
h’izmat qiladi. Bunday nazorat qurilish ishlarining tuzilmalar va xom ashyoni 
tushirishdan tortib, ularni saqlash va bevosita ishlatishgacha bo’lgan barcha 
jarayonlarni qamrab olib, barcha texnologik jarayon meyoriy h’ujjatlarga zid 
bo’lishiga yo’l qo’ymasligi kerak. 
Montaj  ishlarini  o’tkazishda  inshootning  geometrik  o’lchamlariga  montaj 
choklarini  shakllantirish  va  qotirishga  aloh’ida  etibor  berish  zarur.  Montaj 
jarayonida  barcha  yuk  ko’taruvchi  va  h’imoyalovchi  tuzilmalar  nazoratdan 
o’tkazilib  borilishi  kerak.  Bunda  montaj  ishlari  sifatini  operativ  nazorat  qilish 
sxemalari  (SONQS)  muh’im  o’rin  tutadi.  SONQS  ayrim  brigada,  zveno  va 

---

ishchi tomonidan bajarilgan montaj ishlari sifatini bah’olashga h’izmat qiladigan 
yo’riqnoma  va  talablardan  tarkib  topadi.  SONQS  asosida  obektdagi  ishlar 
sifatiga,  montaj  bo’linmasi,  boshqarmasi  va  muh’andis-texnik  xodimlar 
faoliyatiga bah’o berilishi mumkin. 
İshlarni  oraliqda  topshirish  -  qabul  qilish  yopiladigan  ishlar  sifatini  nazorat 
qilish  uchun  muh’imdir,  chunki  bunday  ishlarni  kelgusi  jarayonlarda 
tekshiruvdan o’tkazib bo’lmaydi. Bino tuzilmalari montajida quyidagilar oraliq 
nazorat  qilinishi,  topshirilish  -  qabul  qilish  (yopish)  dalolatnomalari  bilan 
rasmiylashtirilishi  kerak:  zaminlar  -  poydevor  montajigacha;  poydevorlar  - 
h’andaqlarni  qaytadan  to’ldirishgacha;  armaturalar  o’rnatish  va  ularning 
choklari  -  beton  bilan  to’ldirishgacha;  tuzilmalarning  tayanchlari  va  tayanish 
joylari;  armaturaning  chiqiqlari  va  quyma  detallar  payvandi;  metall 
buyumlarning korroziyadan h’imoyalanishi, chok va ulanishlarning to’ldirilishi 
va germetikligi; tuginlarda tutashuvchi elementlarning sirtlari. 
Bir qator inshootlar topshirilishidan oldin sinovdan o’tkazilishi kerak. Jumladan, 
rezervuarlar,  domna  o’choqlari,  machtali  inshootlarning  po’lat  tortqilari  va 
h’okazo.  Bunday  sinovlar  odatda  loyih’a  talablarida  va  maxsus  meyoriy 
h’ujjatlar  bo’yicha  ko’zda  tutiladi.  Sinov  natijalari  yopiladigan  ishlar 
dalolatnomalari kabi rasmiylashtiriladi. 
Barcha  foydalanishga  topshiriladigan  binolar  ishchi  qabul  h’ayaoti  va  davlat 
qabul h’ayaoti qabulidan bosqichma-bosqich o’tadilar.