1 Maruza: Huquqiy madaniyat va ong masalalari. Reja

1 - Maruza: Huquqiy madaniyat va ong masalalari.

Reja

1. 
   Huquqiy ong
   
2. 
   Huquqiy madaniyat
   

Tanch so‘z iboralar: Huquqiy ong, huquqiy ruhiyat, Ijtimoiy huquqiy ong , Odatiy huquqiy ong , Huquqiy madaniyat.
Huquqiy ong va huquqiy madaniyatni yuksaltirishda shaxsiy manfaatlar hamda jamiyat manfaatlari o‘rtasidagi muvozanatni saqlash g‘oyalarini aholi ongiga singdirish ishlarining etarli olib borilmasligi ham qonun ustuvorligini ta’minlashga o‘zining jiddiy salbiy ta’sirini ko‘rsatmoqda.

2019 yili 9-yanvarь kuni “Jamiyatda va huquqiy ong va va huquqiy madaniyatni yuksaltirish tizimini tubdan takomillashtirish tug‘risida”gi PF-5618- sonli Prezident farmoni kabul kilingan edi va  ushbu farmonga 1-ilova “Jamiyatda huquqiy madaniyani yuksaltirish konsepsiyasi” ishlab chiqilgan.Biz ushbu konsepsiya mazmuniga to‘xtalmastan avval, huquqiy ong  va huquqiy madaniyat tushunchalariga keng turda to‘xtalib, huquqiy ong va huquqiy madaniyatning turlari va darajalari ahamiyatini tushuntirsak maqsadga muvofiq bo‘ladi.

Huquqiy ong – bu ijtimoiy ongning shakllaridan biri bo‘lib, kishilarda huquqqa, qonunchilikka, huquq-tartibotga va boshqa huquqiy hodisalarga nisbatan bo‘lgan g‘oyalar, his tuyg‘ular, tasavvurlar yig‘indisidir. Huquqiy ong: birinchidan, huquqning jamiyat ehtiyojlarini ifodalovchi manbai­dir; ikkinchidan, huquqni ijtimoiy voqelikka tadbiq etishning zarur omillari­dan biridir; uchinchidan, shaxslarning xulq-atvori huquq normalariga qay darajada mos kelishini tushunib olishga ko‘mak­lashadi, baholash vositasi sifatida xizmat qiladi. Huquqiy ongning asosiy tarkibiy elementlari: huquqiy ruhiyat (psixologiya) va huquqiy mafkura (ideologiya). Huquqiy ongni sub’ektlariga ko‘ra (individual huquqiy ong, guruhiy huquqiy ong, ijtimoiy huquqiy ong) tasniflash mumkin.

  Individual huquqiy ong – bu har bir shaxs, alohida insonga xos huquqiy bilimlar, baholar, hissiyotlar va tuyg‘ular majmui hisoblanadi.