1 Маъруза: Фанниниг мақсад ва мазмуни. Технологик қурулмалар, уларни танлаш ва хисоблаш. Режа

асосий жараёнлар ва қурилмалар деб аталади.
Исталган кимёвий ёки бошқа технологик жараён, унинг турли услубларда ўтказилишидан қатьий назар, ўзаро бир-бирига боғлик типик технологик босқичлар мажмуасидан иборат.
«Жараён ва қурилмалар» курсида асосий жараёнларнинг назарияси, ушбу жараёнларнн амалга оширадиган машина ва қурилмаларнинг тузилиш принципларн ва уларни ҳисоблаш услублари ўрганилади.
Маълумки, кимё, озиқ-овқат ва бошқа саноат теҳнологиялари мураккаб ва кўпинча бир неча жараёнлардан ташкил топган бўлади.
Ушбу дарсликда асосий жараёнлар асослари келтирилган бўлиб, уларни ўрганиш учун бир хил кинетик қонуниятлар қўлланилган.
Замонавий саноат ишлаб чиқариш жараёнларини лойиҳалашда «Жараён ва қурилмалар» фанининг аҳамияти катта. Бу фан асосида турли хил жараёнларнинг ҳисоблаш ва таҳлил қилиш, уларнинг оптимал параметрларини аниқлаш, зарур қурилмаларни ҳисоблаш ва лойиҳалаш мумкин. Ундан ташқари, ушбу курсда лаборатория шароитидаги жараён ва қурилмалардан саноат жараён ва курилмаларига масштаб усулида ўтиш қонуниятлари ҳам ўрганилади. Бу қонуниятларни билиш, кўп тонналик саноат жараён ва қурилмаларини лойиҳалашга ёрдам беради ва зарур.
Лаборатория шароити ва кичик системаларда олинган тажрибавий натижалардан саноат ва катта кимёвий технологик системаларда фойдаланиш қонуниятлари моделлаштириш деб юритилади.
Моделлаштириш «жараён ва қурилмалар» фанининг муҳим вазифаларидан бири ва ажралмас қисм и деб ҳисобланади. «Кимёвий технология ва биотехнология», «Озиқ-овқат маҳсулотлари технологияси», «Дон ва дон маҳсулотларини қайта ишлаш технологияси», «Нефт ва нефт маҳсулотларини қайта ишлаш технологияси», «Атроф муҳит муҳофазаси», «Касбий таълим» йўналишларидаги бакалаврлар кенг муҳандаслик дунёқарашга эга мутахассислар бўлиши керак.
Ундан ташқари, улар жараёнларни технологик қурилмалар билан жиҳозлашнинг илмий принципларини тушуниши, курилмаларни техник-иқтисодий характеристикаларини таҳлил қилиш, баҳолаш ва энг оптимал қурилмани танлаш, жараёнлар самарадорлигини ва тежамкорлигини ошириш омиллариии аниқлаш, энергия сарфини ва маҳсулот таннархини камайтириш йўлларини билишлари керак.
Ундан ташқари, бакалаврлар саноат самарадорлигини ошириш учун илмий тадқикот усулларини мукаммал билишлари зарур.