1. Ma'muriy huquqbuzarlik tog'risidagi bayonnomaning mazmuni. Ma'muriy huquqbuzarlik tog'risidagi bayonnoma tushunchasi va mohiyati

Ma'muriy huquqbuzarlik sodir etilgan paytda rasmiylashtiriladigan bayonnoma, uning mazmuni va turlari.
Kirish.
Asosiy qism.
Reja:
1.Ma'muriy huquqbuzarlik tog'risidagi bayonnomaning mazmuni.
2.Ma'muriy huquqbuzarlik tog'risidagi bayonnoma tushunchasi va mohiyati.
3.Ma’muriy huquqbuzarlik to‘g‘risida bayonnoma tuzishga vakolati bo‘lgan shaxslar
Xulosa.
Foydalanilgan adabiyotlar ro'yhati.

Kirish.
Huquq nazariyasiga ko‘ra, har qanday yuridik javobgarlikning asosini qonunga xilof, aybli qilmish (harakat yoki harakatsizlik), ya’ni huquqbuzarlik tashkil etadi. Huquqbuzarliklar o‘zining mazmuni, yuridik xususiyatlari va tarkibiga ega bo‘lib, turli qonun hujjatlari bilan tartibga solinadi. O‘zbekiston Respublikasining «Huquqbuzarliklar profilaktikasi to‘g‘risida»gi 2014-yil 15-may qonunining 3-moddasiga ko‘ra, huquqbuzarlik – sodir etilganligi uchun ma’muriy yoki jinoiy javobgarlik nazarda tutilgan aybli g‘ayrihuquqiy qilmish (harakat yoki harakatsizlik).
«Ma’muriy huquqbuzarlik» tushunchasi – bu qonun hujjatlariga binoan ma’muriy javobgarlikka tortish nazarda tutilgan shaxsga, fuqarolarning huquqlari va erkinliklariga, mulkchilikka, davlat va jamoat tartibiga, tabiiy muhitga tajovuz qiluvchi g‘ayrihuquqiy, aybli (qasddan yoki ehtiyotsizlik orqasida) sodir etilgan harakat yoki harakatsizlik. Davlat boshqaruvi sohasida sodir etiladigan va ko‘p uchraydigan huquqbuzarlik ko‘rinishlaridan biri bu – ma’muriy huquqbuzarlikdir.Ma’muriy huquqbuzarlik ijtimoiy ma’noda, fuqarolar, jamiyat huquqlari va qonuniy manfaatlariga xavfni vujudga keltiruvchi xulqatvor bo‘lib, u ijtimoiy munosabatlarning rivojlanishiga to‘sqinlik qiladi va ularning buzilishiga olib keladi. Huquqbuzarlik qasddan yoki ehtiyotsizlik orqasidan sodir etiladigan xulq-atvor bo‘lib, uning natijasida jamiyat, davlat va fuqarolar manfaatlariga moddiy yoki ma’naviy zarar yetkaziladi.Ma’muriy huquqbuzarlikning quyidagi uchta asosiy belgilari mavjud:1) g‘ayrihuquqiy harakat yoki harakatsizlik; 2) aybdorlik; 3) javobgarlikka tortish.Shu bois ma’muriy huquqbuzarlik umumiy ma’muriy-huquqiy normalar buzilishi sifatida emas, balki aniq tartibga soluvchi normalar buzilishi sifatida talqin qilinishi lozim.
Ma’muriy huquqbuzarlik bu – qilmish, ya’ni bir yoki bir necha insonlarning ongli va irodali harakati yoki harakatsizligida ifodalanadi.