|
1-лаборатория иши
Органик ёкилгининг генетик ва санаот таснифи
Асосий энергия манбаларини табиий энергия ресурслари ташкил килади.
Уларга казилма органик ёкилгилар, дарё ва шамол энергияси, парчаланадиган
радиоактив моддалар, куёш нури энергияси, ернинг геотермал энергияси ва
бошкалар киради.
Уларнинг орасида энг мухим энергетик ресурс табиий казилма органик
ёкилгилар хисобланади. Унинг ёрдамида иссиклик энергиясининг куп кисми
олинади ва у халк хужалигининг хамма тармокларида ва биринчи навбатда
энергетика сохасини ривожланишида кул келади.Электр энергия ишлаб
чикаришда кенг микёсида дарё ва сув хавзаларининг эркин пастга тушадиган
сувларининг гидроэнергиясидан фойдаланилади.
Тугамас иссиклик энергия манбаи деб куёш нури энергияси хисобланади.
Аммо куёш нури энергиясидан хозирги пайтда етарли даражада
фойдаланилмаяпти. Ер тагида иссиклик энергиясини куп микдорда манбалари
бор, улар ер устига буг ва иссик сув булиб чикади. Геотермал энергиясидан
иссиклик олиш ва электрланиш максадида кам фойдаланилади.
Сунгги йилларда иссиклик манбаи сифатида атом ички ядерли энергиясидан
кенг фойдаланилмокда. Бу ерда иссиклик ажралиб чикиши огир
элементларнинг баъзи изотоплари ядросининг парчаланиш реакцияси
натижасида вужудга келади. Масалан: иссиклик энергия табиий U235 уран,
Pu239 плутоний ва U232 ураннинг сунъий изотопларидан олинади. U235,
Pu239, U232 ядерли ёкилгилар деб айтилади. Термоядер реакцияси
натижасида юкорида келтирилган изотопларни ядроси парчаланади ва
ажралиб чиккан иссиклик энергияси оддий ёкилгининг ёнишидан ажралиб
чикадиган энергиясидан бир неча баравар кўп бўлади.
Турли энергетик манбаларига карамасдан хозирги пайтда асосий
иссиклик манбаи булиб табиий органик казилма ёкилгилар хисобланади.
Иссиклик электр станция (ИЭС) лар табиий ёкилгилардан асосий
фойдаланувчилардан булиб, электр станцияларнинг улуши умумий ёкилги –
энергетик балансида 45-50% ни ташкил килади.
Ёкилгини ёкиш кулайлиги ва энергиянинг сарфланиши ёкилгини ишлашга
тайёргарлиги билан боглик.
Ёкилгининг нархи ва ёкилги саноатида капитал маблаглар хажми, ёкилги
казиб олиш кийинлиги ва конларни излаб топиш мураккаблиги билан
белгиланади.
Ёнувчи казиб олинадиган моддаларга иссиклик энергия манбаи сифатида
(тайёр казиб ёки ундан сунъий усул билан олинган) хар хил ёкилгилар киради.
Улар маълум талабларга жавоб берадиган булсалар, унда ёкилги деб айтилиши
мумкин. Масалан, улар хавони кислороди билан фаол бирикса ва куп
микдорда табиий захираси булса ва саноатда кенг ишлатилса.
Ёнувчи казиб олинадиган моддалар хом ашё манбаси сифатида химия
саноатининг турли сохаларида катта ахамиятга эга буляпти. Хар хил ёкилги
турларининг ахамияти уларнинг таснифларида уз аксини топган.
Ёкилгиларнинг умумий таснифи ёкилгининг агрегат холати, уларни казиб
олиш йуллари ва олиниши билан фаркланади. Агрегат холатига кура ёкилги
каттик, суюк ва газсимон холатларига булинади.
Ундан ташкари келиб чикиши, олиб келиниши, олтингугурт, кокс, намлик,
кулланиши, иссикликка чидамлилиги, учувчан моддалар чикиши уваланиб
кетишига кура хам таснифланиши мумкин. Охирги икки хусусиятга кура
ёкилгиларнинг саноат таснифи асосланган. Ёкилги олиб келишига кура:
махаллий ва олиб келтирилган ёкилгиларга булинади.
Ёкилги олинишига кура улар табиий ва сунъийларга булинади. Сунъий
ёкилгилар табиийларидан физик-механик ёки физик- химиявий кайта ишлаб
чикариш йули билан олинади. Физик-химиявий кайта ишланиши натижасида
ёкилгининг ташки куриниши, тузилиши, химиявий таркиби ва механик
хоссалари узгаради. Физик-механик кайта ишлашда каттик ёкилгилардан
фойдаланилади. Табиий каттик ёкилгиларнинг кайта ишлаш натижасида
куйидаги ёкилги навлари: чангсимон ёкилги, брикетлар, кокс, чала кокс хамда
айрим суюк ва каттик ёкилгилар олинади.
Нефтни кайта ишлаш натижасида куп хар хил ёкилгилардан ташкари турли
хил кимматбахо ёкилги махсулотлари олинади.
Сунгги йилларда ёкилги энергиясидан технологик фойдаланишнинг комплекс
усули кенг куламда кулланиб келмокда, унга кура, ёкилги дастлаб, технологик
ишланиб, химия саноати учун хом ашё сифатида, кимматбахо моддаларни
олиш максадида ишлов берилади, ишланган махсулотдан колган колдик эса
энергетикавий ёкилги сифатида фойдаланилади.
Do'stlaringiz bilan baham: |
