1-Laboratoriya ishi. Mavzu: Informatikani o’qitishda rivojlantiruvchi ta’lim, tadqiqot metodlari va multimediya texnologiyalari. Nazariy ma`lumotlar

Rivojlantiruvchi ta`lim - ta`lim oluvchilarning ichki imkoniyatlari rivojlantirish va ularni to`la rivojlantirishga qaratilgan. Mazkur ta`limni tashkil etishda har bir ta`lim oluvchiga uning psixologik, fiziologik va ijtimoiy rivojlanganlik nuqtai nazardan yondashiladi, mavjud qobiliyat va imkoniyatlarini inobatga olish asosida yondashiladi.
Rossiya Federasiyasida rivojlantiruvchi ta`lim asoslari Л.В.Занков, Д.Б.Элконин va В.В.Давидовlar tomonidan asoslangan. O`tgan asrning 70-yillarida В.В.Давидов tomonidan o`quvchining o`z-o`zini rivojlantirish g`oyasi ilgari surilgan. 1996-yilda mamlakat ta`lim vazirligi ushbu texnologiyalarni ta`lim amaliyotiga tadbiq etishni maqbul deb topgan. Hozirda ushbu mamlakatda yana bir qator rivojlantiruvchi ta`lim texnologiyalari mavjud, biroq, ular muqobillik maqomiga ega.
Rivojlantiruvchi ta`lim shaxsning individual xususiyatlarini rivojlantirishga yunaltiriladi, ularni rag`batlantiradi va tezlashtiradi. Ushbu ta`lim texnologiyalarini qo`llashda o`quvchi (talaba) faoliyatning barcha bosqichlarida to`laqonli sub`ekt sanaladi. Ta`limning har bir bosqichi shaxsning rivojlanishiga muayyan xissa qo`shadi. Rivojlantiruvchi ta`limni maqsadga muvofiq qo`llash orqali talabada mustaqillik, shaxs sifatida rivojlanishi uchun javobgarlik, sabr-toqat, qat`iyatlilik, tartiblilik, bosiqlik, tashabbuskorlik, ijodkorlik, tashkilotchilik, mustaqillik, iroda kabi sifatlar shakllantiriladi. Natijada u o`z maqsadini amalga oshirishda mehratsevar, intizomli, faol va mahoratli ekanligini namoyon qila oladi. O`z faoliyati natijalarini tahlil qilishga ijobiy yondashsa, o`z-o`zini baholashga nisbatan talabchan, qat`iyatli bo`ladi.


Ishni bajarish tartibi:
Quyidagi masalalarni yeching:
1. “O‘qitish jarayoni”, “O‘qitish” va “O‘qish” tushunchalarining mohiyatini tushuntiring.
2. O‘qitishning tashkiliy shakllari deganda nimani tushunasiz va u qanday mezonlar bo‘yicha tasniflanishini tushuntiring.
3. Rivojlangan mamlakatlar ta’lim jarayonida o‘qitishning qanday shakllaridan foydalanishini izohlang.
4. Talabalarning hamkorlikda ta’lim olish metodlari mazmuni qanday? Ushbu metodlar qanday muammolarning yechilishida qo‘l keladi va natijada qanday muammolar hal etilishining mexanizmlari yaratiladi?
5. O‘qitishning tashkiliy shakllari tasniflanishi, ta’lim jarayoni va ta’lim maqsadi tushunchalari, ta’lim maqsadini belgilovchi elementlar.
6 Ta’lim beruvchi va ta’lim oluvchining funksiyalari nimalardan iborat? Bilimlar о‘zlashtirilishida ta’lim oluvchilarning shaxs xususiyatlari qanday tiplarga bo‘linadi?
7. O‘quvchilar axborotlarni qayta ishlash faoliyatiga qarab qanday farqlanadi? Har birining mohiyatini tushuntiring.
8. Ta’limning guruhli shakli qanday pedagogik maqsadlarni amalga oshirish imkoniyatlarini beradi?
9. Kichik guruhlarni shakllantirish tamoyillari qaysilar? a’zolarining majburiyatlari va vazifalari
10. Kichik guruhda ishlashni qanday tashkil etish kerak va kichik guruhda ishlash qoidalari nimalardan iborat?