1-laboratoriya ishi matlab dasturining komandalar rejimida hisoblash ishlarini bajarishni o’rganish Ishdan maqsad

MATLAB tizimi beshta asosiy qismdan iborat.
MATLAB tili. Bu axborot oqimlari, funksiyalar, ma’lumotlar strukturasi, axborotlarni kiritish-chiqarish va obektga mo‘ljallangan dasturlashtirish hususiyatlarini boshqarishga mo‘ljallangan yuqori darajali matritsalar va massivlar tili.
MATLAB muhiti. Bu foydalanuvchi yoki dasturlovchi ishlashiga mo‘ljallangan jihoz va moslamalar to‘plami. Jihoz va moslamalar MATLAB da o‘zgaruvchilarni boshqarish, axborotlarni kiritish va chiqarish, M-fayl tuzish va MATLAB ilovalarini ishlatish uchun kerak bo‘ladigan vositalardan iborat.
Boshqariladigan grafik. Ikki–uch o‘lchamli ma’lumotlarni ko‘rsatish, tasvirlarni, animatsiya va ko‘rgazmali grafiklarni qayta ishlash uchun mo‘ljallangan yuqori darajali komandalardan tashkil topgan MATLAB ning grafik tizimi.
Matematik funksiyalar bibliotekasi. Summa, sinus, kosinus, kompleks arifmetika kabi oddiy (elementar) funksiyalardan tortib, matritsalar ustida amallar bajarish, Bessel funksiyasi, Furening tezkor almashtirish operatori kabi murakkab funksiyalardan tashkil topgan hisoblash algoritmlari to‘plami.
Dasturiy interfeys. Si va Fortran tillarida dastur tuzish imkonini beruvchi biblioteka.
MATLAB ning so‘ngi versiyalari chiziqli va nochiziqli dinamik tizimlarni modellashtirishga mo‘ljallangan Simulink kengaytma paketlari bilan birga qo‘llaniladi. Simulink paketida vizual – orientirlash prinsiplari qo‘llanilgan bo‘lib, kerakli bloklarni yig‘ish orqali tadqiq qilinayotgan tizim va qurilma modelini yaratish qulaydir. Bunda qurilma va tizimni tavsiflovchi murakkab holat tenglamalari avtomatik ravishda tashkil etiladi.
Energetik tizimlar va qurilmalarni modellashtirish masalalarini MATLAB ning Power System Blocksets paketi yordamida yechish mumkin. Bu paket boshqa paketlardan texnik qurilmalarni loyihalash bilan farq qiladi.
Umuman olganda MATLAB tizimi va uning tarkibidagi paketlari yordamida avtomatik tizimlarni modellarini qurish, ularni tahlil va sintez qilish, energetika masalalarini yechish, energetik qurilmalarni funksiyasini modellashtirish, qurilgan modellar asosida parametrlarni keng diapazonda o‘zgartirib tajriba o‘tkazish, matematik tenglamalarni yechimlarini grafik ko‘rinishda olish mumkin.