1-laboratoriya ishi issiqlik texnologiya qurilmalarining moddiy va energetik balansini tuzish ishning maqsadi

II.I. ENERGETIK BALANS TURLARI
Sanoat korxonalarining energetik balansi quyidagi sifatlar bo'yicha tasniflanadi:

- energiya iste'moli ob'ektlari bo'yicha - korxona, ishlab chiqarish, sex, bo'linma, qurilma, uskuna energobalansi va hakozo;

- maqsadli yo'nalishi bo'yicha - texnologik energobalanslar (asosiy, yordamchi texnologik liniyalar bo'yicha), sanitar-texnik ehtiyoj energobalanslari (isitish, ventilyatsiya, havoni maromlash, yoritish va hakozo);

- energetik oqimlar turlari jamlamasi bo'yicha - yoqilg'i-energetik zahiralarni umumiy iste'moli bo'yicha ixtiyoriy energobalans; iste'mol qilinayotgan energiya zahiralarning alohida turlari va o'lchamlari bo'yicha shaxsiy energobalanslar;

- ishlama vaqti bo'yicha (hisobotli, o'tgan davr bo'yicha aniq ko'rsatkichlar asosida hisobot bo'yicha tuziladigan; rejali, energiya sarfini kamaytirish bo'yicha topshiriqni nazarga olgan holda rejalashtirilayotgan yaqin davrga tuziladigan);

-loyihaviy, loyiha vaqtida tuziladigan;

- istiqbolli, korxona energetik xo'jaligi va ishlab chiqarish jarayonidagi, hamda texnologiyadagi tubdan o'zgarishlarni hisobga olgan holda rejalashitirilayotgan vaqtga tuziladigan;

-ishlamasi bo'yicha - tajribaviy , energetik oqimning aniq o'lcham va sarflari bo'yicha tuzilgan; hisobiy, ko'rilayotgan ishlab chiqarishning energiya iste'moli hisobi asosida tuzilgan; tajriba-hisobiy, ham aniq o'lchovlar, ham hisoblar asosida tuzilgan;

- to'ldirilish shakli bo'yicha - sintetik, keltirilgan energiya tashuvchilarni korxona ichida yoki alohida elementlarida tarqalishini ko'rsatuvchi; analitik, energiya tashuvchilardan foydalanishni tasnifini va kengligini ko'rsatuvchi, hamda energiya tashuvchilarning umumiy sarfini foydali sarfga (shartli-foydali) va energiya zahiralarni yo'qotishga ajratish orqali tuziladigan.