1-laboratoriya ishi Gistоlоgik tadqiq

Ishdan maqsad. Yog’ va retikulyar tóqima tuzilishini órganish.
Zarur jihozlar: Retikulyar, yog’, pigment tóqimalar tuzilishi tasvirlangan tablitsalar, doimiy mikroskopik preparatlar, mikroskop va atlas.


Ishni bajarish tartibi:
1-tajriba. Yog’ tóqimalarining tuzilishini tablisa va slaydlar orqali kórib chiqamiz, kyeyin esa mikroskopik tuzilishini órganamiz. Yog’ hujayrasi (tildan tayyorlangan). Preparatda yog’ hujayralari yirik yumaloq shakldagi bóshliqlar holida kórinadi, chunki preparatni tayyorlash jarayonida ulardagi yog’ erib kyetdi. Biroq bu hujayralar doimo yumaloq shaklda ega emas. Agar yog’ hujayralari juda zich joylashib yog’ tóqimasini hosil qilgan bólsa, ularning shakli kóp qirrali bóladi. Yog’ hujayralarining yadrolari ovalsimon, tóq binafsha rangli bólib, hujayraning chetki qismida joylashadi. Preparatda yog’ hujayralarining hammasida ham yadrosi kórinavyermaydi. Chunki hujayralar yirik bólganligi uchun kesmaga yadrolari tushmasligi ham mumkin. Preparatda kóndalang-targ’il mushak tolalarining tutamlari oralarida yog’ hujayralari tóp-tóp bólib yotadi. Bu tóplamlar biriktiruvchi tóqima yordamida ózaro tutashib yog’ tóqimasini hosil qiladi.
2-tajriba. Retikulyar tóqima (limfa tugunidan tayyorlangan).
Retikulyar tóqima retikulyar hujayralar va ryetikulin tolalarining yig’indisidan iborat bólib, ózida oraliq amorf moddasini tutmasligi bilan biriktiruvchi tóqimaning boshqa хillaridan farq qiladi.
Prepapatga kichik ob’yektiv ostida qarab limfa tugunining yorug’ joylarini- sinuslari topiladi. Sóng katta ob’yektiv ostida retikulyar hujayralar yulduzsimon shakliga ega ekanligi va bir birlari bilan ósimtalar orqali tutashib retikulyar tóqimani hosil qilishi kózdan kechiriladi. Bu tóqima hujayralarining sitoplazmasi och pushti rangga bóyalgan bólib, yumaloq yoki oval shaklga ega bólgan yadro atrofida tor хalqacha hosil qilib yotadi.
Retikulyar tóqimaning oralarida limfotsitlar soni ba’zi joylarda juda kóp bólganligi sababli retikulyar sintsitiysi aniq kórinishga ega bólmaydi. Preparatda retikulin tolalari kórinmaydi, ularni kórish uchun kesmani kumush nitrat tuzi bilan impryegnatsiya qilish lozim.
Topshiriqlar: Mikroskopda kórib órganilgan preparatlar rasmini albomga chizish, ularni izohlash va ma’lum kónikmaga ega bólish.