1. Корхона бизнес режасининг асосий функциялари

3. Бизнес режанинг аҳамияти
Яхши тузилган бизнес режа тадбирлар учун вазият карточкаси ҳисобланади. Тадбиркор инвестор кредитор ёки йирик изланишда бизнес режа орқали корхона маълумотларини тўла тўкис намаён қилиб улар билан алоқа боғлаши мумкин. Ҳар бир корхона ўз бизнес режасига эга бўлиб, унинг маҳсулотини бозорга чиқаришга кенг йўл очиб беради. Бизнес режа аниқ тузилса, корхонанинг молиялаштириш ишларига асос ҳисобланиб, корхонанинг обрўйини кўтаришга унга нисбатан рақобатчиларнинг кўпайишига олиб келади.
Рақобатбардошликни таҳлил қилиш ва рақобатчи фирмалар мавқеини баҳолаш , келгуси стратегияни ишлаб чиқишда , ички имкониятлар ва хатарларни ўз вақтида англашга муҳим замин яратади. Таҳлилий услубларни қуллаш асосида рақобатбардошлик мавқеларига оператив баҳо бериш , келгуси тадбирларни аниқлаш имкони вужудга келади.
Бизнес режа корхонанинг ички ҳужжати бўлибгина қолмай , балки ундан инвесторлар ва кредиторларни таклиф қилишда фойдаланиш мумкин. Инвесторлар таваккал қилиб сармоя беришдан аввал лойиҳанинг синчиклаб ишлаб чиқилганига ишонч ҳосил килишлари ва унинг самарали эканлигидан хабардор бўлишлари керак. Улар сармоя бериш имкониятларини кўриб чиқишдан олдин бизнес режани синчиклаб ўрганиб чиққанлар билан учрашадилар.
Бизнес режанинг аҳамияти яна шундан иборатки , бизнес режа қуйидаги вазифаларни ҳал қилишга имкон беради:
А) корхона тараққиёти ( стратегия, дастур, лойиҳа) йўналишларининг иқтисодий жиҳатдан мақсадга мувофиқлигини асослаш;
Б) фаолиятнинг кутилаётган молиявий натижаларини , биринчи галда, сотув кўламини , сармоядан олинадиган даромадлар, фойдани ҳисоблаб кўриш;
В) танлаб олинган стратегияни амалга ошириш учун зарур бўлган маблағлар манбаини , яъни молиявий ресурсларни жамлаш усулларини белгилаш;
Г) мазкур режани амалга ошира оладиган ходимларни танлаб олиш ва хоказо.
Қўйилган мақсадга мувофиқ , ўз ишини қандай бошлаш, қай усулда ишлаб чиқаришни самарали юргизиш ва товарни бозорга олиб чиқиш мумкин, янги ишлаб чиқаришни ким ташкил этади ва қачон дастлабки даромад олинади, таваккалчиликни қандай камайтириш , оёққа туриб олиш ҳамда рақобат курашида ютиб чиқиш мумкин каби саволларга корхона раҳбари ёки тадбиркор ўзининг бизнес режасини ишлаб чиқишда жавоб олади.