1. Кириш Ишлаб чиқаришнинг назарий асослари

АЗОТ-ФОСФОРЛИ МУРАККАБ ЎҒИТЛАР ИШЛАБ
ЧИҚАРИШ НАЗАРИЯСИ


Аммофос ишлаб чиқариш назарияси

Аммоний фосфатлари, одатда, фосфат кислота тузлари – аммоний дигидрофосфат ёки моноаммонийфосфат [МАФ] NH₄H₂PO₄, аммоний гидрофосфат ёки диаммонийфосфат [ДАФ] (NH₄)₂HPO₄, ва аммоний фосфат ёки триаммонийфосфат (NH₄)₃PO₄ номлари билан юритилади. Энг барқарор бирикма моноаммонийфосфат ҳисобланади, уни 100-110^ОС гача қиздирилганда амалда аммиакнинг ажралиши кузатилмайди. Диаммонийфосфат 70^ОС ҳароратдаёқ аммиак йўқота бошлайди ва моноаммонийфосфатга айланади:

(NH₄)₂HPO₄  NH₄H₂PO₄  NH₃
триаммонийфосфат эса ҳавода 30-40^ОС да парчаланади, шунинг учун уни саноатда ишлаб чиқарилмайди.
100^ОС да NH₄H₂PO₄ устидаги аммиак буғининг босими амалда нолга, (NH₄)₂HPO₄ устидаги – 1,2 га, (NH₄)₃PO₄ устидаги эса – 85,7 кПа га тенгдир. 125^ОС да бу тузлар устидаги NH₃ нинг босими мувофиқ ҳолда 0,008, 4,5 ва 157 кПа гача ортади. 190,5^ОС да моноаммонийфосфат озгина миқдордаги NH₃ йўқотиб суюқланади. Бу ҳароратда унинг дегидратланиши секинлик билан содир бўлиб, аммоний полифосфатларига айланади ва бу жараён ҳароратнинг ортиши билан тезлашади.
20^ОС даги тўйинган сувли эритмада: 27,2% NH₄H₂PO₄ ёки 40,8% (NH₄)₂HPO₄ бўлади; қайнаш ҳарорати (109,4^ОС) да эса 71,8% NH₄H₂PO₄ бўлади. NH₃ – H₃PO₄ – H₂O системадаги эрувчанлик 3.1 – расмда тасвирланган.
25^ОС даги NH₄H₂PO₄ – (NH₄)₂HPO₄ – Н₂О системасида эрувчанлик диаграммаси дан кўринадики, моноаммонийфосфат концентрациясининг ортиши билан диаммонийфосфатнинг эрувчанлиги амалда ўзгармайди, диаммонийфосфат концентрациясининг кўтарилиши билан эса моноаммонийфосфатнинг эрувчанлиги ортади ва у NH₃:H₃PO₄ моляр нисбати ~1,5 га тенг бўлганда максимумга эришади.
0,1 M эритманинг рН қиймати: NH₄H₂PO₄ учун – 4,4, (NH₄)₂HPO₄ учун – 8,0 ва (NH₄)₃PO₄ учун эса – 9,4 га тенгдир.

25 ва 75^ОС ҳароратдаги NH₃ – H₃PO₄ – H₂O системадаги эрувчанлик изотермаси.

25^ОС ҳароратдаги NH₄H₂PO₄ – (NH₄)₂HPO₄ – Н₂О системадаги эрувчанлик изотермаси.
Моно- ва диаммонийфосфатларнинг гигроскопиклиги камдир. 50^ОС даги NH₄H₂PO₄ нинг гигроскопиклик нуқтаси 88% га, 15^ОС да эса – 97% га тенгдир (техник маҳсулотларда қўшимчаларнинг иштирок этиши унинг гигроскопиклигини оширади).
Аммоний фосфатлари қишлоқ хўжалигида ўғит сифатида кенг қўлланилади. Улар юқори концентрацияли балластсиз ўғитлар ҳисобланади ва таркибида иккита асосий озуқа элементлари – сувда эрувчан шаклдаги азот ва фосфор тутади.
Тоза моноаммонийфосфатда 12,2% N ва 61,7% Р₂О₅ (жами 73,9%), диаммонийфосфатда – 21,2% N ва 53,8% Р₂О₅ (75,0%) бўлади. Диаммонийфосфатда озуқа моддаларининг N:P₂O₅ масса нисбати (1:2,5) моноаммонийфосфатдагига нисбатан (1:5,1) анча мақбул бўлади.
Аммонийли-фосфатли ўғитлардан аммофос – оз миқдордаги (~10%) диаммонийфосфат қўшимчаси бўлган моноаммонийфосфат кўп миқдорда ишлаб чиқарилади.
Давлат стандартлари (ДАСТ 18918-85) талабларига мувофиқ, донадорланган аммофос икки хил маркада: А – апатит концентратидан ва Б – фосфоритдан олинган экстракцион фосфат кислотани аммиак билан нейтраллаш натижасида ишлаб чиқарилади. А маркали олий ва 1-сифат категорияли ва Б маркали олий ва 1-сифат категорияли маҳсулотлар таркибида, мувофиқ равишда: 52 ва 501% дан кам бўлмаган, 44 ва 421% дан кам бўлмаган Р₂О_5ўзл.; 48, 46, 34 ва 32% Р₂О_5с.э.; 121, 121, 111 ва 101% N ва 1% дан кўп бўлмаган Н₂О бўлади. Ўлчамлари 1-4 мм бўлган доначаларнинг улуши олий навда 95% дан ва биринчи навда 90% дан кам бўлмаслиги керак. Аммофосдаги N:Р₂О₅ нисбати ~1:4 га тенгдир.
Таркибида диаммонийфосфат ва фосфат кислотадан ўтадиган қўшимчалари бўлган азот бўйича нисбатан концентрланган ўғит – диаммофос ҳам ишлаб чиқарилади. Агар диаммофос ишлаб чиқариш учун апатит концентратидан олинган экстракцион фосфат кислота ишлатилса, бунда маҳсулот таркибида: 481% P₂О_5ўзл., 18% дан кам бўлмаган N ва 1,5% дан кўп бўлмаган Н₂О бўлади. N:P₂O₅ нисбати катта бўлган ўғит ишлаб чиқариш учун аммофос ва диаммофосга азотли ўғитлар – аммоний нитрат ёки карбамид қўшилади.
Термик ёки тозаланган экстракцион фосфат кислотадан олинадиган диаммонийфосфат ҳайвонлар озуқаси учун ишлатилади. Аммоний фосфатлари, шунингдек, озиқ-овқат ва фармацевтика саноатида ҳам ишлатилади; улар антипиренлар сифатида ва қурилиш материалларининг ёнғинга бардошлилигини ошириш учун ишлатилади.