1. Kirish. Biokimyoning predmeti, vazifalari. Kirish

5. Xujayraning kimyoviy tarkibi. Organik va noorganik dunyo atom va molekulalardan tashkil topib, tarkibi bo’yicha bir-biridan katta farq qilmaydi. Tiriklik o’z molekulalarini sintezlashda atomlarni noorganik dunyodan oladi. O’simlik va hayvonlar organizmlari tarkibida D.I.Mendeleev davriy jadvalidagi elementlarning 70 tasi aniqlangan. Jadvaldagi elemetlardan kislorod, uglerod, vodorod, azot, kalьtsiy, fosfor, kaliy, oltingugurt, xlor, natriy, magniy, rux, temir, mis, yod, molibden, kobalьt va selenlar hujayra tarkibida har doim uchrab, ular ferment, gormon, vitaminlar sintezi uchun zarur hisoblanadi. Miqdoriy jihatdan kimyoviy elementlar turli xil organizmda turlicha bo’ladi.Jonzotlarda uchraydigan kimyoviy elementlarni asosan to’rt guruhga ajratish mumkin:1. Makrobiogenli elementlar: kislorod, uglerod, azot, vodorod; ularning miqdori organizmda 1% va undan ortiq bo’ladi.2. Oligobiogenli elementlar; ularning miqdori 0,1 dan 1% atrofida bo’lib, ularga kalьtsiy, xlor, fosfor, kaliy, oltingugurt, magniy, temirlar kiradi.3. Mikrobiogenli elementlar: ularning miqdori 0,01% dan kam bo’lib, ular tsink, marganets, kobalьt, mis, brom, yod, molibdenlardir.4. Ulьtramikrobiogenli elementlar: ularning organizmdagi miqdori 0,000001% dan oshmaydi; ularga litiy, kremniy, kadmiy, selin, titan, vanadiy, xrom, nikelь, kumush, oltinlar kiradi.