1. Йўналиш ДХМ бўйича: Компьютер саводхонлигингизни қандай бахолайсиз? MicrosoftWordдастурида “горячие клавиши” тушунчасидан хабардормисиз?
*** Горячие клавиши бу – тез тугмалар дегани (рус тилидан таржимаси). Тез тугмалардан Microsoft Word дастурида фойдаланиш бир қанча қулайликларни вужудга келтиради. Хусусан, Ctrl + N тугмаси орқали янги Word очиш мумкин,
Ctrl + Атугмаси орқали барча ёзувларни белгилаш мумкин, Shift + F12 тугмаси орқали киритилган маълумотларни сақлаш мумкин ва бошқалар.
1. Йўналиш ДХМ бўйича: Тадбиркорлик фаолиятини бошлашда қандай ҳужжатлар талаб қилинади?
***Тизим воситасида давлат рўйхатидан ўтказиш учун тегишлича сўровномага қуйидагилар илова қилинади:
давлат тилидаги таъсис ҳужжатлари;
топшириш далолатномаси — қўшиб юборилганда;
тақсимлаш баланси — бўлишда ва ажратиб чиқаришда.
1. Йўналиш ДХМ бўйича: Тадбиркорлик фаолиятини тугатишнинг қандай турларини биласиз?
*** Тадбиркорлик субъектларини ихтиёрий тугатиш ва уларнинг фаолиятини тўхтатиш тартиби тўғрисидаги низомга мувофиқ (ВМҚ – 704-сон)тугатишнинг 2 та тури мавжуд.
1) Тадбиркорлик субъектларини ихтиёрий тугатиш ва уларнинг фаолиятини тўхтатиш.
2) Молия-хўжалик фаолиятини амалга оширмаётган тадбиркорлик субъектларини давлат реестридан чиқариш.
1. Йўналиш ДХМ бўйича: Банкротлик нима ва банкротлик таомилини бошлаш учун талаблар унинг қандай турларини биласиз?
*** Банкротлик (иқтисодий ночорлик) – иқтисодий суд томонидан эътироф этилган, қарздорнинг пул мажбуриятлари бўйича кредиторлар талабларини тўла ҳажмда қондиришга ва (ёки) мажбурий тўловлар бўйича ўз мажбуриятини тўла ҳажмда бажаришга қодир эмаслиги.
Банкротлик тўғрисидаги қонун. 28-модда. Банкротлик таомиллари Қарздор юридик шахснинг банкротлиги тўғрисидаги иш кўрилаётганда қуйидаги таомиллар қўлланилади:
кузатув;
суд санацияси;
ташқи бошқарув;
тугатишга доир иш юритиш.
Қарздор якка тартибдаги тадбиркорнинг ёки якка тартибдаги тадбиркор мақомини йўқотган жисмоний шахснинг банкротлиги тўғрисидаги ишни кўриб чиқишда тугатишга доир иш юритиш таомили қўлланилади.
1) кузатув – иқтисодий суд томонидан қарздор юридик шахсга нисбатан унинг мол-мулки бут сақланишини таъминлаш, қарздорнинг молиявий аҳволи таҳлилини ўтказиш мақсадида қарздорни банкрот деб топиш тўғрисидаги ариза қабул қилинган пайтдан эътиборан кейинги таомилга қадар қўлланиладиган банкротлик таомили;
2) суд санацияси — қарздор юридик шахсга нисбатан молиявий жиҳатдан соғломлаштириш ва унинг кредиторлар олдидаги қарзини узиш мақсадида қарздорнинг ишларини бошқариш ваколатларини санация қилувчи бошқарувчига ўтказмаган ҳолда иқтисодий суд томонидан қўлланиладиган тўлов қобилиятини тиклаш таомили;
3) ташқи бошқарув — қарздор юридик шахсга нисбатан уни молиявий жиҳатдан соғломлаштириш мақсадида қарздорнинг ишларини бошқариш ваколатларини ташқи бошқарувчига ўтказган ҳолда иқтисодий суд томонидан қўлланиладиган тўлов қобилиятини тиклаш таомили;
4) тугатишга доир иш юритиш — кредиторларнинг талабларини мутаносиб равишда қаноатлантириш, қарздорнинг мажбуриятлардан озод этилганлигини ҳамда тугатилганлигини эълон қилиш мақсадида иқтисодий суд томонидан қарздорга нисбатан қўлланиладиган таомил.
29-модда. Суддан ташқари бажариладиган таомиллар Суддан ташқари бажариладиган таомиллар судгача санация қилиш ёки қарздорни ихтиёрий равишда тугатиш (фаолиятини тугатиш) бўлиши мумкин.