1. Иқтисодиёт / Давлат кадастри

6-боб. Агентлик раҳбарларининг жавобгарлиги
22. Агентлик директори:
Агентликка юкланган вазифалар ва функцияларнинг бажарилиши учун;
Ушбу Низомнинг 15-бандида тутилган жавобгарлик соҳалари бўйича;
Ушбу Низомнинг 18-бандида кўрсатилган ўз функционал вазифаларининг сифатли бажарилиши учун шахсан жавоб беради.
23. Директор ўринбосарлари:
Агентликнинг ўзи назорат қиладиган таркибий бўлинмаларида Агентликка юкланган вазифалар ва функцияларнинг бажарилиши учун;
Ушбу Низомнинг 15-бандида назарда тутилган Агентликнинг мутасаддилик қилинадиган масалаларга доир жавобгарлик соҳалари бўйича;
Ушбу Низомнинг 19-бандида кўрсатилган ўз функционал вазифаларининг сифатли бажарилиши учун шахсан жавоб беради.
24. Агентлик таркибий бўлинмалари раҳбарлари:
Тегишли таркибий тузилмаларга юкланган вазифалар ва функцияларнинг амалга оширилиши учун;
Ушбу Низомнинг 15-бандида назарда тутилган Агентлик марказий аппаратининг жавобгарлик соҳалари бўйича;
Ушбу Низомнинг 20-бандида кўрсатилган ўз функционал вазифаларининг сифатли бажарилиши учун шахсан жавоб беради.
25. Агентликнинг ҳудудий бошқармалари раҳбарларининг жавобгарлиги Агентлик директори томонидан тасдиқланади.
7-боб. Агентлик фаолиятини ташкил этиш
1-§. Агентлик раҳбарияти
26. Агентликка Ўзбекистон Республикаси Президенти томонидан лавозимга тайинланадиган ва лавозимидан озод этиладиган Ўзбекистон Республикаси Давлат солиқ қўмитаси раисининг биринчи ўринбосари — Ўзбекистон Республикаси Давлат солиқ қўмитаси ҳузуридаги Кадастр агентлиги директори раҳбарлик қилади.
27. Агентлик директори Давлат солиқ қўмитаси раисининг тавсиясига биноан Вазирлар Маҳкамаси томонидан лавозимга тайинланадиган ва лавозимдан озод этиладиган тўрт нафар ўринбосарга, шу жумладан, бир нафар биринчи ўринбосарга эга бўлади.
Ишлаб чиқариш заруриятидан келиб чиқиб, Давлат солиқ қўмитаси раиси билан келишган ҳолда директорнинг буйруғи билан бўш турган Агентлик директори ўринбосари лавозими вазифасини вақтинча бажариш Агентлик директори томонидан белгиланган шахсга юклатилиши мумкин.
28. Агентлик директори бўлмаган вақтда унинг ваколатлари директорнинг буйруғи билан унинг ўринбосарларидан бирига юклатилади.
Агентлик директори, унинг биринчи ўринбосари ва ўринбосарлари мақоми, меҳнатга ҳақ тўлаш шартлари, моддий таъминоти, тиббий ва транспорт хизмати кўрсатиш бўйича тегишли равишда вазирга, вазирнинг биринчи ўринбосарига ва ўринбосарларига тенглаштирилади.
29. Директор лавозими бўйича Давлат солиқ қўмитаси ҳайъати таркибига киритилади.