1. Iqtisodiyot / Iste’molchilar huquqlarini himoya qilish. Reklama]

juda katta formatdagi tashqi reklama obyekti (konstruksiyasi) — hajmi 18 kv. metrdan ortiq bo‘lgan vosita;
vakolatli organ — tuman (shahar) hokimligi;
bayroqli konstruksiya — tashqi reklamani joylashtirish (tarqatish) uchun maxsus ishlab chiqilgan texnik vosita bo‘lib, yerga, binoning (inshootning) yuzasiga, alohida turgan ustunga yoki bino (inshoot) tashqarisidagi to‘siqqa, shahar yorug‘lik ustunlariga qotiriladigan va flagshtokka mahkamlangan mato ko‘rinishidagi bir necha reklama maydonidan tashkil topgan yaxlit kompozitsiya hisoblanadi;
bilbord — tashqi reklama joylashtirish uchun maxsus ishlab chiqilgan va foydalaniladigan, yer uchastkasida joylashtirilgan va bir yoki bir nechta tekis reklama maydonchalariga ega bo‘lgan texnik vosita;
video ekran — tashqi reklamani joylashtirish uchun maxsus ishlab chiqilgan va foydalaniladigan, yerga, binoning (inshootning) yuzasiga, alohida turgan ustunga yoki bino (inshoot) tashqarisidagi to‘siqqa qotiriladigan va displey yoki ekran ko‘rinishidagi reklama maydoniga ega bo‘lgan texnik vosita;