1. Iqtisodiyot / Energetika]



[OKOZ:

1.09.00.00.00 Tadbirkorlik va xo‘jalik faoliyati / 09.20.00.00 Energetika / 09.20.02.00 Elektrota’minot]

[TSZ:

1.Iqtisodiyot / Energetika]

ELEKTR ENERGETIKADA NAZORAT BO‘YIChA DAVLAT INSPEKSIYASI “O‘ZDAVENERGONAZORAT” BOShLIG‘INING

buyrug‘i

Reaktiv quvvat kompensatsiyasi bo‘yicha ishlarni tashkil etish tartibi to‘g‘risidagi nizomni tasdiqlash haqida

[O‘zbekiston Respublikasi Adliya vazirligi tomonidan 2008-yil 10-oktabrda 1864-son bilan davlat ro‘yxatidan o‘tkazildi]

O‘zbekiston Respublikasi Vazirlar Mahkamasining 2004-yil 1-martdagi 96-sonli qarori bilan tasdiqlangan “Elektr energetikada nazorat bo‘yicha davlat inspeksiyasi (“O‘zdavenergonazorat” inspeksiyasi) to‘g‘risida”gi nizomga asosan buyuraman:

1. Reaktiv quvvat kompensatsiyasi bo‘yicha ishlarni tashkil etish tartibi to‘g‘risidagi nizom ilovaga muvofiq tasdiqlansin.

2. Mazkur buyruq O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgach kuchga kiradi.

“O‘zdavenergonazorat” inspeksiyasi boshlig‘i B. G‘ULOMOV

Toshkent sh.,

2008-yil 9-sentabr,

168-son

“O‘zdavenergonazorat” inspeksiyasi boshlig‘ining 2008-yil 9-sentabrdagi 168-son buyrug‘i bilan

TASDIQLANGAN

Reaktiv quvvat kompensatsiyasi bo‘yicha ishlarni tashkil etish tartibi to‘g‘risida

NIZOM

Oldingi tahrirga qarang.

Mazkur Nizom Vazirlar Mahkamasining 2004-yil 1-martdagi 96-sonli qarori bilan tasdiqlangan Elektr energetikada nazorat bo‘yicha davlat inspeksiyasi (“O‘zdavenergonazorat” inspeksiyasi) to‘g‘risidagi nizomga muvofiq, elektr energiyasini elektr tarmoqlari bo‘ylab uzatishda texnologik sarflarni kamaytirish hamda reaktiv quvvat kompensatsiyasi bo‘yicha ishlarni tashkil etish tartibini belgilaydi.

(muqaddima O‘zbekiston Respublikasi Elektr energetikada nazorat bo‘yicha davlat inspeksiyasi boshlig‘ining 2014-yil 3-apreldagi 4-sonli buyrug‘i (ro‘yxat raqami 1864-1, 10.04.2014-y.) tahririda — O‘R QHT, 2014-y., 15-son, 175-modda)

1-§. Umumiy qoidalar

1. Mazkur Nizomda quyidagi tushunchalar va atamalar qo‘llaniladi:

aktiv quvvat — foydali ish bajarish uchun ishlab chiqariladigan va iste’mol qilinadigan quvvat (o‘lchov birligi: Vt — vatt, kVt — kilovatt, mVt — megavatt);