1. Инновацион тадбиркорликни бошқаришда давлатнинг роли 2

Инновацион тадбиркорлик фаолиятини молиялаштиришнинг оқилона тизимини яратиш орқали молиявий ресурсларни жамлаш ва уларни инновацион жараёнларнинг устувор соҳаларига йўналтириш имкониятлари пайдо бўлади.

Инновацион тадбиркорлик фаолиятни молиялаштириш – бу янги турдаги маҳсулотларни ишлаб чиқариш жараёнини лойиҳалаштириш, тадқиқ этиш ва ташкил қилиш, ишланмалар ва ташкилий жараёнларни, янги турдаги техника ва технологияларни, иш ва хизматларни, шунингдек, бошқарувнинг янги шакл ва услубларини яратиш ва жорий этишга йўналтирилган пул маблағларидан фойдаланишдир.

ИННОВАЦИОН ТАДБИРКОРЛИКНИ МОЛИЯЛАШТИРИШ ШАКЛЛАРИ Инновацион тадбиркорлик фаолиятини молиялаштириш манбаларини ички (ўз маблағлари) ва ташқи манбаларга ажратиш мумкин.

Инновацион лойиҳанинг маҳсулот ҳаётийлик цикли барча босқичларида зарур молиявий ресурслар билан таъминланганлигининг юқори даражаси бозор томонидан маҳсулот етарли даражада қабул қилинмаслиги билан боғлиқ хатарни камайтиради ва унинг самарадорлигини оширади. Қуйидагилар инновацион фаолиятни молиялаштириш тизимининг элементлари ҳисобланади:

● Инвестицион ресурслар манбалари;

● Молиявий маблағларни жамлаш ва уларни инновацион лойиҳаларга инвестициялаш механизми;

● Инвестицион ресурслар самарадорлиги ва қарз капиталининг қайтарилишини таъминлашга қаратилган бошқариш механизми.

1. Инновацион фаолиятни молиялаштиришнинг қуйидаги шакллари мавжуд:

2. Корхонанинг ўз маблағлари ҳисобидан молиялаштириш;

3. Банк кредитлари орқали молиялаштириш;

4. Венчур молиялаштириш;

5. Лизинг;

6. Аралаш молиялаштириш ва бошқалар.

Қуйидагилар инновацион тадбиркорлик фаолиятнинг асосий шакллари бўлиб ҳисобланади:

● илмий-тадқиқот ва тажриба-конструкторлик ишлари (НИОКР); ● технологик ишлар, ишлаб чиқаришни ва саноат синовларини ўтказишни тайёрлаш; ● Патентлар, лицензиялар ва ноу-хаулар олиш; ● Инновацион фаолиятни амалга ошириш борасидаги инвестицион фаолият.

Тадбиркорларнинг ўз маблағлари ҳисобига инновацион фаолиятни молиялаштириш бирмунча мураккаб масала ҳисобланади. Одатда кичик бизнес таркибига киритилувчи хўжалик юритувчи субъектларнинг инновацион фаолият билан шуғулланиш учун етарли даражада маблағлари бўлмайди.