1-илова “Заковат” интеллектуал ўйини Кодекси

1-қисм. Ўйин 
1.1.-боб. Ўйин иштирокчилари 
1.1.1. Мусобақа ташкилий қўмитаси 
Мусобақа ташкилий қўмитаси (кейинги ўринларда – ТҚ) мусобақани 
тайёрлаш ишларини олиб боради ва уни ўтказиш бўйича масъул бўлади. ТҚ 
шахсий таркиби тўғрисида маълумот мусобақа тартибига киритилиши 
мумкин.
ТҚ қуйидаги вазифаларни бажаради: 
•
мусобақа тартибини ишлаб чиқиш; 
•
мусобақани ушбу Кодексга мувофиқ ўтказишни таъминлаш ва 
натижаларини умумлаштириш; 
•
ўйин қоидаларига амал қилинишини назорат қилиш; 

---

•
бошқа органлар вазифаси бўлмаган баҳсли вазифалар бўйича қарор 
қабул қилиш; 
•
мусобақа натижаларини эълон қилиш. 
1.1.2. Муҳаррирлик гуруҳи 
Муҳаррирлик гуруҳи (кейинги ўринларда – МГ) ўтказилувчи мусобақа 
(ёки унинг бир қисми) учун саволлар тўпламини тайёрлайди. 
МГ таркиби ТҚ томонидан белгиланади. МГ шахсий таркиби тўғрисида 
маълумот мусобақа тартибига киритилиши мумкин. (МГни тайинлаш 
мусобақада иштирок этувчи жамоалар ихтиёрига тўлиқ ёки қисман юкланган 
ҳолатлардан ташқари).
Доимий ўтказилувчи мусобақаларда ТҚ МГни тайинлаш ҳуқуқини 
алоҳида турларни ўтказиш учун масъул жамоалар зиммасига тўлиқ ёки қисман 
юклаши мумкин.
Алоҳида саволларни ёки бутун саволлар тўпламини синаш ва баҳолаш 
учун МГ тестерлар – ўйин тажрибасига эга ва ўтказилувчи мусобақа ёки 
мусобақанинг тегишли қисмида иштирок этмайдиган шахсларни жалб қилиш 
ҳуқуқига эга. 
1.1.3. Ўйин ҳайъати 
Ўйин ҳайъати (кейинги ўринларда – ЎҲ) ТҚ томонидан мусобақа 
бошлангунга қадар тайинланади. ЎҲ шахсий таркиби тўғрисида маълумот 
мусобақа тартибига киритилади. 
ЎҲ қуйидаги вазифаларни бажаради: 
•
жамоалар томонидан берилган жавобларни ҳисобга олиш бўйича 
қарор қабул қилиш; 
•
тур (мусобақа) бирламчи натижаларини умумлаштириш ҳамда 
техник хатолар аниқланганда ва аппеляция қабул қилинган ҳолларда 
уларга тузатишлар киритиш; 
•
ўйин давомида ушбу Кодекс ва ўйин тартибига амал қилинишини 
жорий назорат қилиш; 
•
натижалар жадвалини олиб бориш ва жамоалар жавоблари ёзилган 
варақаларни сақлаш. 
ЎҲ таркибига камида 2 киши кириши керак. 
ЎҲ жавоблар тўғри-нотўғрилигини аниқлашда ушбу Кодекснинг 2.1.-
бобида белгиланган қоидаларга амал қилиши шарт. Ушбу қоидаларга тўғри 
келмайдиган ҳолларда ЎҲ ўз ихтиёрига кўра жавобнинг тўғрилигини 
белгилаш ҳуқуқига эга. 
Ўйин қоидаларига риоя этилишини назорат қилишда ЎҲ ушбу 
Кодекснинг ва мусобақа тартибининг тегишли бандларига амал қилиши шарт.

---

Юзма-юз ўтказилувчи мусобақаларда ЎҲ аъзолари шахсан иштирок 
этиши керак.
Бир мусобақанинг бошқа-бошқа турлари ЎҲнинг турлича таркиби 
билан ўтказилиши мумкин. Агарда баъзи турлар мусобақада иштирок этувчи 
жамоалар томонидан ўтказилса, ЎҲ таркиби турни ўтказувчи жамоа 
томонидан белгиланади. 
ТҚ ЎҲ аъзосини ўз вазифаларини бажара олмаган тақдирда мусобақадан 
четлатиш ҳуқуқига эга. 
Ўйинчиларнинг ЎҲ билан ўйин давомида мулоқот қилиши тақиқланади. 
Турлар ўртасидаги танаффус давомида ЎҲ билан мусобақа юзасидан фақат 
жамоа сардори ёки жамоа сардори тайинлаган жамоа аъзоси мулоқот қилиши 
мумкин. 
ЎҲ фаолияти Кодекснинг 1.3.7 ва 1.3.8. параграфларида батафсил 
ёритилган.