1-илова “Заковат” интеллектуал ўйини Кодекси

1.3.3.4. Саволни ўқиш 
Савол бошловчи томонидан қоғоз ёки экрандан ўқиб берилади. Агарда 
саволда матн бўлмаган (жамоаларга тарқатиш кўзда тутилмаган) қисмлари 
бўлса, бошловчи уларни ўзи намойиш қилади ёки намойиш қилинишини 
саволдаги кўрсатмаларга биноан бошқариб боради. Матн бўлмаган 
элементлар намойиш қилинганда барча билимдонлар ўз жойидан турмасдан 
улар билан танишиш имконига эга бўлиши керак. 
Бошловчи саволни ўқиётганда қавслар ва бошқа тиниш белгиларини, 
агарда МГ томонидан махсус кўрсатма берилмаган бўлса, алоҳида 
ажратмаслиги керак. 
Савол ўқилганда ва матн бўлмаган элементлар намойиш қилинаётганда 
жамоалар максимал даражада тинчликни сақлашлари керак.
Юзма-юз ўтказилувчи мусобақада муҳокама дақиқаси бошланиши 
сигналидан олдин бошловчи савол матни ва матн бўлмаган элементларни 
намойишини такрорлаши мумкин (агарда мусобақа синхрон бўлмаса – 3.1.-
бобни кўринг). Муҳокама дақиқаси бошлангандан сўнг бундай такррорлаш – 
тўлиқ ёки қисман ҳам – тақиқланади. 
Синхрон мусобақаларда, МГ томонидан кўрсатилган ҳолатлардан 
ташқари, бошловчи савол матни ва матн бўлмаган элементларни намойишини 
такрорлашга ҳаққи йўқ. 
Саволда назарда тутилган ҳоллардан ташқари, савол матнини муҳокама 
дақиқасидан олдин ҳам, муҳокама дақиқаси давомида ҳам визуал намойиш 

---

қилиниши мумкин эмас. Экран, ёки бошқа қурилмалар орқали барча жамоалар 
учун кўрсатиладиган савол матнлари бундан мустасно.
ТҚ томонидан бошловчига савол матнининг аудиоверсияси тақдим 
қилинган бўлса, бошловчи 1.3.3.1. параграфида кўрсатилган тартибда савол 
раундини ўтказиш учун уни ёқиш ва ўчирилишини таъминлайди. 
1.3.3.5. Муҳокама дақиқаси 
Муҳокама дақиқасининг бошланишига сигнал бошловчининг “Вақт” 
кўрсатмасидир. 
Муҳокама дақиқаси давомида билимдонларга бошқа жамоаларга 
ҳалақит бериш, ўз жойини тарк этиш, ўз жойига қайтиш, маълумотнома ва ҳар 
қайси турдаги нашрлардан фойдаланиш, шунингдек маълумотнома ва 
нашрларга мурожаат қилиш имконини берувчи техникадан фойдаланиш, ҳар 
қандай алоқа воситаларидан фойдаланиш, ўйин столида бўлган жамоасининг 
аъзоларидан ташқари ҳар қандай шахс билан ҳар қандай усулда мулоқотга 
киришиш тақиқланади. Жумладан, бошловчи ва секундантлар билан мулоқот 
қилиш тақиқланади. 
Муҳокама дақиқаси бошланганига 50 секунд бўлганда “10 секунд 
қолди” сигнали берилади. 
Муҳокама дақиқаси бошланганига 60 секунд бўлганда “муҳокама 
тугади” сигнали берилади ва шу лаҳзада муҳокамаси дақиқаси якунланади.