1-илова “Заковат” интеллектуал ўйини Кодекси

3.6.-боб. Мусобақаларни соддалаштирилган қоидалар билан ўтказиш
42 
Иловалар
 ............................................................................................................ 43 
1-илова. Ўйин этикаси
 .................................................................................... 43 
2-илова. Глоссарий
 .......................................................................................... 45 
 

---

“Заковат” интеллектуал ўйини Кодекси 
Кириш. 
Ушбу Кодексда “Заковат” интеллектуал ўйинининг (кейинги ўринларда 
– “Заковат”) асосий қоидалари белгилаб қўйилган.
Кодекс ўйин давомида юзага келувчи барча вазиятларни қамраб 
олмайди ва ўйинни ташкил қилишнинг барча тафсилотларини тартибга 
солмайди. Кодекснинг тегишли параграфи билан тартибга солинмаган 
ҳолатлар, Кодексда кўрсатиб ўтилган ўхшаш тартиблар ёки муайян турнир 
низоми асосида ҳал қилиниши лозим. 
Кодексда назарда тутилган турли вазифаларни бажарувчилар зарур 
малакага эга, етарли даражада соғлом фикрловчи ва мутлоқо беғараз шахслар 
эканлиги назарда тутилади. 
“Заковат” бўйича мусобақалар ўтказилганда ушбу Кодекс мусобақа 
тартиби билан бирга фойдаланилиши мумкин. Мусобақа тартиби Кодексга зид 
келмаслиги керак. 
Ушбу Кодекс “Заковат интеллектуал клуби” нодавлат нотижорат 
ташкилоти Кенгаши томонидан тасдиқлангандан сўнг кучга киради ва 
“Заковат интеллектуал клуби” нодавлат нотижорат ташкилоти томонидан 
ташкил қилинувчи барча “Заковат” мусобақалари учун тааллуқлидир. Кодекс 
иловалари Кодекснинг ажралмас қисми бўлиб, асосий қисм билан бирга кучга 
киради. 
“Заковат” хусусиятлари 
“Заковат” – жамоалар чекланган вақт мобайнида берилган саволга тўғри 
жавоб топиш бўйича мусобақалашувчи жамоавий ўйин.
Жамоанинг ўйин давомидаги мақсади – рақиб жамоаларига нисбатан 
кўпроқ саволларга тўғри жавоб бериш.