1-илова “Заковат” интеллектуал ўйини Кодекси

2.3.-боб. Интизомий жазо чоралари 
2.3.1. Интизомий жазо чоралари кўринишлари 
Ушбу Кодекс ва мусобақа тартибини бузганлик, ўйин залида тартибни 
бузганлик ҳамда мусобақа иштирокчилари ва томошабинларига нисбатан 
одобсизлик ва ҳурматсизлик учун қуйидаги интизомий жазо чоралари 
қўлланилиши мумкин: 
•
танбеҳ; 
•
огоҳлантириш; 
•
жавобни техник ҳисобга олмаслик; 
•
залдан тур якунига қадар чиқариб юбориш; 
•
мусобақада иштирок этишдан четлатиш; 
•
ушбу клуб ёки ҳудуддаги келгусида ўтказилувчи мусобақаларда 
иштирок этишдан четлатиш (ҳудудий дисквалификация); 
•
“Заковат интеллектуал клуби” ННТ томонидан келгусида 
ўтказилувчи мусобақаларда иштирок этишдан четлатиш (тотал 
дисквалификация); 
2.3.2. Танбеҳ ва огоҳлантириш 
Танбеҳ – мусобақа иштирокчиси ёки томошабинига ушбу Кодекс, 
мусобақа тартиби ёки ўйин залидаги тартибни бир марта енгил бузганлиги 
учун берилган оғзаки кўрсатма. Иштирокчи ёки томошабинга берилувчи 
танбеҳлар сони чекланмайди, аммо такрорий қоидабузарликлар оғирроқ жазо 
чораларини кўрилишига олиб келиши мумкин. 
Мусобақа иштирокчиси ёки томошабини такроран енгил қоидабузарлик 
содир этса огоҳлантириш берилиши мумкин. Огоҳлантириш ушбу Кодекс, 
мусобақа тартиби ёки ўйин залидаги тартибни оғирроқ бузилиши ҳолатларида 
такрорий қоидабузарликсиз ҳам берилиши мумкин. Огоҳлантиришдан сўнг 
такроран қоидаларни бузиш оғирроқ жазо чораларини кўрилишига олиб 
келади.
Билимдон, жамоа, секундант ёки томошабинга танбеҳ ёки огоҳлантириш 
бериш ҳуқуқи бошловчи, ЎҲ аъзоси, ТҚ аъзоси ёки вакилида мавжуд. 

---

Бошловчи, ЎҲ, ТГ ва АҲ аъзоларига танбеҳ ва огоҳлантириш ҳуқуқи фақат 
ТҚ аъзоси ёки вакилида бор. 
2.3.3. Жавобни техник ҳисобга олмаслик 
Жамоа томонидан савол раунди давомида ўзини тутиш қоидаларини 
бузилиши ёки жавобни топшириш қоидаларини бузилиши ҳолатларида жамоа 
жавоби тўғри бўлган тақдирда ҳам жавоб ҳисобга олинмаслиги (тўғри жавобга 
балл берилмасли) мумкин. ЎҲ ёки ТҚнинг тегишли қарори жавобни техник 
ҳисобга олмаслик деб аталади. 
Жавобни техник ҳисобга олмаслик қуйидагилар бўлиши мумкин: 
•
жамоа ёки савол тартиб рақамини ёки иккаласини нотўғри 
кўрсатилган жавоб карточкасини топшириш; 
•
жавобни, ЎҲ рухсатисиз, қўлбола ёзилган жавоб карточкасида 
топшириш; 
•
жавоб карточкасини топширишга кеч қолиш – уни жавобларни 
топшириш сигналидан сўнг жуда кеч кўтариш ёки алмаштиришга 
(ёки ёзилганини қайта ёзишга) уриниш.
Ушбу ҳолларда жавобни техник ҳисобга олмаслик бўйича қарорни ЎҲ 
қабул қилади. ЎҲ қоидабузарликни аҳамиятсиз деб топиб, танбеҳ ёки 
огоҳлантириш берган ҳолда, жавобни умумий асосда кўриб чиқиши мумкин. 
Агарда қоидабузарлик қандайдир асосли сабаблар билан содир бўлган 
бўлса, жамоа сардори бу бўйича турлар орасидаги танаффусда ёки ўйин 
сўнгида жавобни техник қабул қилмаслик қарорини бекор қилиш бўйича ЎҲ 
га мурожаат қилиши мумкин. Ушбу илтимос бўйича ЎҲ қарори якунийдир. 
Жавобни техник ҳисобга олмаслик бўйича қарор автоматик равишда 
қуйидаги қоидабузарликларга чиқарилади:
•
савол раунди давомида жамоаларнинг аризада кўрсатилган 
таркибини ёки рухсат берилган миқдорий таркибини бузилиши; 
•
савол раунди давомида бошқа жамоалар билимдонлари, заҳирадаги 
билимдонлар ёки томошабинлар билан маълумот алмашиш, 
маълумотнома ёки бошқа турдаги нашрлардан фойдаланиш, 
комьютер техникаси ёки алоқа воситаларидан фойдаланиш. 
Ушбу ҳолатларда жавобни техник ҳисобга олмаслик бўйича қарор ЎҲ 
томонидан ўйин тури давомида чиқарилади. Агарда қоидабузарлик тур 
тугагандан сўнг маълум бўлса, қарор фақат ТҚ ёки унинг вакили томонидан 
кейинги тур бошлангунга қадар чиқарилади. ЎҲ ва ТҚ қарори якуний бўлиб, 
устидан шикоятлар кўриб чиқилмайди.