1. Ijtimoiy pedagogika, uning predmeti va vazifalari. Ijtimoiy pedagogikaning fan sifatida rivojlanishi

2.Ijtimoiylashuv mexanizmlari.
Har qanday jamiyatda insonning ijtimoiylashuv jarayoni turli bosqichlarda o‘z xususiyatlari bilan tavsiflanadi. Ijtimoiylashuv jarayonining har bir davri bir necha bosqichni o‘z ichiga oladi. Bolalik davri chaqaloqlik (tug‘ilgandan 1 yoshga to‘lgunga qadar), ilk bolalik (1-3 yosh), maktabgacha bolalik (3-6 yosh), kichik maktab yoshi (6-10 yosh) kabi bosqichlarni, o‘spirinlik davri - kichik o‘spirinlik (10-12 yosh), katta o‘spirinlik (12-14 yosh) bosqichlarini, yoshlik davri - ilk o‘smirlik (15-17 yosh), o‘smirlik (18-23 yosh), yoshlik (23-30 yosh) bosqichlarini o‘z ichiga oladi. Yetuklik davri ilk yetuklik (30-40 yosh), kechki yetuklik (40-55 yosh), qarilik (55-65 yosh) bosqichlarini, qarilik davri - nuroniylik (65-70 yosh), uzoq umr ko‘rish (70 yoshdan katta) bosqichlarini o‘z ichiga oladi.
Ijtimoiylashuv rivojlanishga ta’sir ko‘rsatuvchi turli-tuman omillar bilan o‘zaro aloqada yuz beradi. Kishlardagi ijtimoiylashuv muayyan sharoit va hayotiy tajribalar asosida shakllanadi. Shu tariqa insonlar tomonidan o’zlashtirilgan zaruriy hamda hayotiy tajribalar va yashash tarzi har bir davirda o’ziga xos shakl-shamoiyga egaligi bilan bir-biridan keskin farqlanadi. Bularning barchasi insoniyat hayot tarziga o’z ta’sirini ko’rsatadi. Insonga ta’sir ko‘rsatuvchi omillarni ijtimoiylashuv omillari deb nomlash odat tusini olgan. Amalda ularning barchasi ham aniqlanmagan, aniqlanganlarining esa barchasi ham o‘rganilmagan. Ijtimoiylashuv omillarini shartli ravishda to‘rt guruhga birlashtirish mumkin 4.2-chizma.
















Birinchi - megaomillar (mega - juda katta, umumiy): kosmos, sayyora, olam, Internet, ya’ni butun dunyo aholisining ijtimoiylashuviga u yoki bu darajada ta’sir ko‘rsatuvchi omillar.
Ikkinchi - makroomillar (makro - katta): mamlakat, etnos, jamiyat, davlat, ya’ni muayyan mamlakat aholisining ijtimoiylashuviga ta’sir ko‘rsatuvchi omillar.