1. Ijtimoiy-madaniy masalalar / Uy-joy qonunchiligi. Kommunal xizmat

Bosqichlar		Subyektlar		Chora-tadbirlar
Muddat
1-bosqich		Qarz oluvchi		Yer uchastkalarida belgilangan tartibda kelishilgan loyiha asosida hamda tuman (shahar) aholi punktlari bosh rejasi va shaharsozlik normalariga mos holda pudrat tashkiloti yoki o‘zini o‘zi band qilgan shaxs sifatida ro‘yxatdan o‘tgan yollanma ishchilar bilan yakka tartibda uy-joy qurish (rekonstruksiya qilish) bo‘yicha shartnomani imzolaydi, o‘z kuchi bilan amalga oshirish holati bundan mustasno.		O‘z xohishiga ko‘ra belgilangan muddatlarda
2-bosqich		Qarz oluvchi		Bankka tegishli hujjatlar bilan boshlang‘ich badal to‘lovini amalga oshirgan holda ipoteka krediti olish uchun ariza topshiradi. Bunda yakka tartibda uy-joyni qurish (rekonstruksiya qilish) amalga oshirilishida, ajratiladigan ipoteka krediti bo‘yicha boshlang‘ich badal uchun qarz oluvchi tomonidan sotib olingan qurilish materiallari va/yoki bajarilgan qurilish-montaj ishlari qiymati hisobga olinishi mumkin.		O‘z xohishiga ko‘ra belgilangan muddatlarda
3-bosqich		Bank		Kredit olish bo‘yicha taqdim etilgan ariza va unga ilova qilingan hujjatlarni ko‘rib chiqib, arizani qanoatlantirish yoki rad etish to‘g‘risida qaror qabul qiladi. Ariza qanoatlantirilgan taqdirda, kredit shartnomasi imzolanadi.		3 ish kunida
4-bosqich		Pudrat tashkiloti (o‘zini o‘zi band qilgan shaxs sifatida ro‘yxatdan o‘tgan yollanma ishchilar), qarz oluvchi		Yakka tartibdagi uy-joyni qurish (rekonstruksiya qilish) ishlarini amalga oshiradi.		Shartnomada belgilangan muddatlarda
5-bosqich		Bank		Shartnoma va loyiha asosida yakka tartibdagi uy-joyni qurish (rekonstruksiya qilish) bo‘yicha bajarilgan ishlar bo‘yicha to‘lovlar uchun ipoteka krediti va qarz oluvchi tomonidan bankda shakllangan mablag‘larni pudrat tashkilotlarining depozit hisobvarag‘iga naqd pulsiz shaklda o‘tkazib beradi. Bunda qarz oluvchining o‘z kuchi bilan yoki o‘zini o‘zi band qilgan shaxs sifatida ro‘yxatdan o‘tgan yollanma ishchilarni jalb etgan holda yakka tartibdagi uy-joylar qurish (rekonstruksiya qilish) uchun ajratilgan kreditlarni qarz oluvchining bank kartasiga o‘tkazib bera�i.		Shartnomada belgilangan muddatlarda
6-bosqich		Qarz oluvchi		Kredit shartnomasining qaytarish grafigiga asosan ipoteka krediti va unga hisoblangan foiz to‘lovlarini to‘lab boradi.		Har oyning 25-kunigacha

** Moliya vazirligi tomonidan banklarga mablag‘lar ushbu Nizomga 1-ilovaga muvofiq sxemadagi 1, 2, 4 va 5-bosqichlarda belgilangan tartibda ajratiladi.”.

(Qonunchilik ma’lumotlari milliy bazasi, 24.08.2021-y., 09/21/537/0818-son)