|
§-1. Умумий қоидалар
1. Ушбу Қоидалар Ўзбекистон Республикаси ҳудудидаги мулкчилик шаклидан қатъи назар, барча жисмоний тарбия-соғломлаштириш ва спорт иншоотлари учун мажбурий ҳисобланади.
2. Мазкур Қоидаларда қуйидаги асосий тушунчалар қўлланилади:
спорт иншоотлари — турли спорт турлари бўйича спорт мусобақаларини, ўқув-машқ жараёнини, жисмоний тарбия-соғломлаштириш ва кўнгил-очар спорт ишларини ўтказишга имконият яратувчи ва тегишли анжомлар билан жиҳозланган очиқ ва ёпиқ турдаги иншоотлар;
жисмоний тарбия-соғломлаштириш иншоотлари — аҳолига жисмоний тарбия-соғломлаштириш хизматларини кўрсатиш учун мўлжалланган спорт иншоотлари.
3. Спорт иншоотларидан фойдаланиш тартибини уларнинг тоифалари белгилайди. Спорт иншоотларининг тоифалари уларнинг сифатини, халқаро ва давлат меъёрларига мос келишини аниқлайди.
Олдинги таҳрирга қаранг.
Жисмоний тарбия-соғломлаштириш ва спорт иншооти белгиланган тартибда Ўзбекистон Республикаси Маданият ва спорт ишлари вазирлиги томонидан бериладиган спорт иншооти паспорти ва сертификатига эга бўлиши лозим.
(3-банд Ўзбекистон Республикаси Маданият ва спорт ишлари вазирининг 2005 йил 22 сентябрдаги 880-сонли буйруғига мувофиқ хатбоши билан тўлдирилган (рўйхат рақами 1286-1, 03.10.2005 й.) — Ўзбекистон Республикаси қонун ҳужжатлари тўплами, 2005 й., 40-сон, 308-модда)
§-2. Спорт иншоотларидан фойдаланиш тартиби ва тоифалари
4. Спорт иншоотларида турли спорт турлари бўйича спорт мусобақалари, ўқув-машқ жараёни, жисмоний тарбия-соғломлаштириш тадбирларидан ташқари кўнгил очар ва жамоат-оммавий тадбирлари (шоу, концертлар ва ҳоказо) ҳам ўтказилиши мумкин.
Олдинги таҳрирга қаранг.
5. Спорт иншоотларидан фойдаланиш тартибини ва уларнинг тоифаларини ва меъёрларини кўрсатиб берувчи ҳужжатлар спорт иншоотининг паспорти ва сертификати ҳисобланади.
(5-банднинг биринчи хатбошиси Ўзбекистон Республикаси Маданият ва спорт ишлари вазирининг 2005 йил 22 сентябрдаги 880-сонли буйруғи таҳририда (рўйхат рақами 1286-1, 03.10.2005 й.) — Ўзбекистон Республикаси қонун ҳужжатлари тўплами, 2005 й., 40-сон, 308-модда)
Спорт иншооти тўғрисидаги умумий маълумотлар, унинг таркибига кирувчи бошқа бино ва иншоотлар, техник таснифини белгилайдиган кўрсаткичлар 1-иловага мувофиқ тўлдириладиган Спорт иншоотининг паспортида акс эттирилади.
Спорт иншоотининг сертификати — спорт иншоотининг паспортида кўрсатилган маълумотларга асосланиб, спорт иншоотининг тоифасини белгилаб берувчи ҳужжатдир.
6. Спорт иншоотлари қуйидаги тоифаларга бўлинади:
Олий тоифадаги спорт иншооти — спорт иншоотининг асосий кўрсаткичлари, ўлчам ва жиҳозланганлиги миллий ва халқаро мусобақалар (Олимпия ва Осиё ўйинлари, Жаҳон, Осиё ва Ўзбекистон чемпионати, кубоги, биринчилиги, турнирлари) ўтказилишини таъминлаб беради. Иншоот аҳолини жисмоний тарбия билан шуғуланиши учун мўлжалланмаган.
1-тоифадаги спорт иншооти — спорт иншоотининг асосий кўрсаткичлари, ўлчам ва жиҳозланганлиги республика ва халқаро мусобақалар (Жаҳон, Осиё ва Ўзбекистон чемпионати, кубоги, биринчилиги, турнирлари) ҳамда ўқув-спорт машғулотлари ўтказилишини таъминлаб беради.
2-тоифадаги спорт иншооти — спорт иншоотининг асосий кўрсаткичлари, ўлчам ва жиҳозланганлиги ҳудудий тоифадаги (вилоят, туман ва шаҳар мусобақаларини чемпионатлар, биринчиликлар, турнирлар ва ҳоказо) мусобақаларни ҳамда ўқув-спорт машғулотларини ўтказилишини ва аҳолини жисмоний тарбия билан шуғулланишини таъминлаб беради.
3-тоифадаги спорт иншооти — спорт иншоотининг асосий кўрсаткичлари, ўлчам ва жиҳозланганлиги оммавий спорт тадбирларини ва жисмоний тарбия соғломлаштириш, ўқув-спорт машғулотлари ўтказилишини таъминлаб беради.
Олдинги таҳрирга қаранг.
4-тоифадаги спорт иншооти — спорт иншоотининг асосий кўрсаткичлари, ўлчам ва жиҳозланганлиги аҳолини жисмоний тарбия-соғломлаштириш ва ўқув-спорт машғулотлари ўтказилишини таъминлаб беради. 4-тоифадаги иншоотлар улардан мақсадли ва унумли фойдаланилишини таъминлаш мақсадида икки гуруҳга бўлинади: спорт ва ўқув-машқ иншоотларига ҳамда жисмоний-тарбия ва соғломлаштириш иншоотларига».
(6-банднинг бешинчи хатбошиси Ўзбекистон Республикаси Маданият ва спорт ишлари вазирининг 2005 йил 22 сентябрдаги 880-сонли буйруғи таҳририда (рўйхат № 1286-1, 03.10.2005 й.) — Ўзбекистон Республикаси қонун ҳужжатлари тўплами, 2005 й., 40-сон, 308-модда)
5-тоифадаги спорт иншооти — спорт иншоотининг асосий кўрсаткичлари, ўлчам ва жиҳозланганлиги спорт турлари орқали (боулинг, биллиард, дартс, картинг ва бошқа спорт турлари) кўнгил-очар тадбирлар ва хизматлар ўтказилишини таъминлаб беради.
§-3. Аҳолига жисмоний тарбия-спорт ва соғломлаштириш хизматларини кўрсатиш тартиби
7. Жисмоний тарбия-соғломлаштириш ва спорт иншоотларида аҳолига жисмоний тарбия-спорт ва соғломлаштириш пуллик хизматлари кўрсатилиши мумкин.
8. Ўн олти ёшга тўлмаган болаларга, ногиронларга, етим болаларга пенсионерларга, 1941–1945 йиллардаги уруш қатнашчилари ва ногиронларига ҳамда уларга тенглаштирилган шахсларга жисмоний тарбия-спорт ва соғломлаштириш хизматлари бепул кўрсатилади, спорт иншоотларида ўтказиладиган кўнгил-очар ва жамоат-оммавий тадбирлари (шоу, концертлар ва ш. ў.) бундан мустасно.
Жисмоний тарбия-соғломлаштириш спорт
иншоотларидан фойдаланиш қоидаларига
ИЛОВА
Do'stlaringiz bilan baham: |
