1-guruh amaliyotchilar ro`yhati: fayzullayeva maftuna xayrullayeva gulshoda vohidova nilufar sultonova nozima abdullayeva shahnoza tolibbekova robiya anvarova zilola matkarimova kumushbibi abdusattorova mamuda ashurmatova iqbola asarning

Asarning “Jigarimga marsiya”

Janri: Marsiya

Hajmi:3 bet

Aytuvchi: Usmonova Popuk

Manzili: Parkent tumani So’qoq qishlog’I 59-uy

Aytuvchining Yoshi: 77 yosh (1941-yilda tug’ilgan)

Ustozlari: Yangasi

Yozib oluvchi: Sultonova Nozima Qulmat qizi

Yozib olingan joyi va vaqti: So’qoq qishlog’I, 29-iyun, soat 12:20

Voy ukamey, jonim ukamey, himmat bilan uylar qilding joylar qilding,

Noumidla bo’b qolding, noumid bo’ganlaringni bilmay qoldimey jigarim,

O’lim manga ravo edi, san hali yosh eding,

Mani bir kunliklarimdan qochib keting ukam

Vooy ukame mahlalari ayon ukam, tillari shirin ukam

Odamlani hizmatida hizmat qilib,

Sargardonlar bo’lgan ukam.

Dard berdi hudo, shifosini sanga bermadi,

Do’xtirxona eshigida yuz,

Opang o’lsin jigarim.

Ochilsa yopilmiygina qoldiyey,

Hammaga topilgan davo,

Sanga topilmiygina qoldiyey voy ukam.

Ukam, desam uyg’onginey,

O’ng yog’laringga to’lg’ongin

O’ng yog’laringga to’lg’onmasang,

Man borib oldilaringda yotib turiy ukam,

Jigarim desam yarashgan ukam,

Bola-chaqang oldilaringdan adashgan,

Umidlar bilan joy qilding, uy qilding ukam.

Noumidla bo’b qoldinge voy ukam.

Okang ketdi u yoqlarga,

San qolding bu yoqlarda ukam,

Otangniki yetmasmidi,

Seniki oshiqchala bo’p qoldi ukam.

(O’g’liga marsiya)

Voy bolam o’ldingu, uchding, yo’q bo’lding,

Onang o’lsin erkam bolam.

Man sani deyman, sani deyman

To o’lguncha doimo haliyam sani deyman.

Oldilaring taxt ko’rmadi, jonim bolam,

Orqalaring taxt ko’rmadi,

Oldilaring go’shanga ko’rmagan, erkam bolam.

San yotibsan go’ristonnni tagida,

Man qoldim bu dunyoni tashvishi, g’amlarida.

Voy onang o’lsin bolam Olimjon

Qatta qoldi sani chiroyli otlaring.

Voy bolam, voy jigarim,

Yo’qlar bo’b qolding endiyo

Balalaringga boshlar bo’lib yursang bo’lmasmidi,

Sani shundoq Bayoz degan otlaring

Olamlarga mashxurlar bo’b qoldi

Yetdi ketgan, oldi ketgan jigarim,

Voy jigarim,

Umid bilan bola-chaqa qilding,

Noumidlar bo’b qolding

San bu ishlarni yomonlar o’ylab qolding,

Ikki tog’ni orasidayey, Olimjon

Ko’rinarmikin sani endi qoralaring

Ko’ringanda qoralaring,

Bitarmikin mani abgorgina yuragimni yaralari.

Oq ko’ynelarim sizildi

Voyeeeey, opang o’lsin jigarim.

Umidlarim endi sandan suzildi

Voy balam, voy ukam.