1. Fuqarolik qonunchiligi. Tadbirkorlik / Faoliyatning ayrim turlarini litsenziyalash]

10.	Litsenziya berishda kelishiladigan organlar:
mavjud emas
11.	Litsenziyaning amal qilish muddati:	cheklanmagan
12.	Izoh.	* Qo‘pol ravishda buzish deb hisoblanadigan talab va shartlar.

Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomga
24-ILOVA
Qimmatli qog‘ozlar bozoridagi professional faoliyatni litsenziyalash
PASPORTI

1.	Litsenziya nomi:	qimmatli qog‘ozlar bozoridagi professional faoliyat uchun litsenziya
2.	Litsenziyalanadigan faoliyatning kichik turlari:	a) investitsiya vositachisining faoliyati; b) investitsiya aktivlarining ishonchli boshqaruvchisi faoliyati.
3.	Ariza beruvchilar toifasi:	yuridik shaxs
4.	Litsenziyalovchi organ:	O‘zbekiston Respublikasi Moliya vazirligi
5.	Litsenziyani olish uchun taqdim qilinadigan hujjatlar:	a) ariza; arizada quyidagi ma’lumotlar ko‘rsatiladi: yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, bank muassasasining nomi va bank hisobvarag‘i, telefon raqami, STIR, elektron pochta manzili (agar mavjud bo‘lsa), litsenziya toifalari bo‘yicha tanlash, ariza to‘ldirish sababi (yangi litsenziya olish, qayta rasmiylashtirish), litsenziya talabgorining litsenziya talablari va shartlariga rioya qilishga roziligi; b) oxirgi hisobot sanasiga moliyaviy natijalar to‘g‘risidagi hisobot bilan birgalikda buxgalteriya balansi nusxasi (talabgor oxirgi hisobot sanasidan keyin tashkil etilgan hollardan tashqari); v) litsenziyalovchi organ tomonidan tasdiqlanadigan tartibga muvofiq oxirgi hisobot sanasiga o‘z mablag‘lari (sarmoyasi) miqdorini har bir litsenziyalanadigan faoliyatning kichik turlari uchun bazaviy hisoblash miqdorining 1000 baravaridan kam bo‘lmagan miqdorda pul mablag‘i ko‘rinishidagi hisob-kitobi. Investitsiya vositachisi sifatida faoliyatni amalga oshirishga litsenziya talabgori qo‘shimcha ravishda quyidagi hujjatlarni taqdim etadi: g) depozitar operatsiyalarni amalga oshirish uchun dasturiy vositani sotgan (bergan) tashkilot bilan tuzilgan depozitar operatsiyalarni amalga oshirish bo‘yicha dasturiy vositadan tijorat maqsadida foydalanishga mualliflik litsenziyasi shartnomasi nusxasi; d) depozitar operatsiyalarni amalga oshirish bo‘yicha dasturiy ta’minotning texnik tavsifi; e) depozitar operatsiyalarni amalga oshirish uchun foydalaniladigan texnik vositalarning tavsiflari ko‘rsatilgan holdagi ro‘yxati; j) dasturiy ta’minot va texnik vositalarning investitsiya vositachilarining dasturiy-texnik komplekslariga qo‘yiladigan belgilangan talablarga muvofiqligi hamda qimmatli qog‘ozlar bozori professional qatnashchilari, fond birjasi va Markaziy depozitariy bilan elektron o‘zaro hamkorlikka tayyorligi to‘g‘risida Qimmatli qog‘ozlar markaziy depozitariysining xulosasi. Agar “Fond bozori axborot-resurs markazi” davlat unitar korxonasi bilan litsenziya talabgorining Yagona dasturiy texnik kompleksidan foydalanish uchun imzolangan shartnoma nusxasi taqdim etilganda investitsiya vositachisi sifatida faoliyatni amalga oshirishga litsenziya talabgori qo‘shimcha hujjatlarni taqdim etishi talab qilinmaydi. Litsenziyalovchi organ litsenziat xodimlarining mehnat daftarchalari haqidagi ma’lumotni “Yagona milliy mehnat tizimi” idoralararo dasturiy-apparat kompleksidan o‘zi mustaqil oladi.