1. Fuqarolik qonunchiligi. Tadbirkorlik / Faoliyatning ayrim turlarini litsenziyalash]

6.	Arizani ko‘rib chiqish uchun to‘lanadigan yig‘im miqdori:
bazaviy hisoblash miqdorining 1 baravari
7.	Litsenziya berilganligi uchun davlat boji miqdori:	I toifadagi litsenziya uchun bazaviy hisoblash miqdorining 20 baravari; II toifadagi litsenziya uchun bazaviy hisoblash miqdorining 40 baravari.
8.	Arizani ko‘rib chiqish muddatlari:	7 ish kuni
9.	Litsenziya talablari va shartlari:	a) vakolatli organ tomonidan taqdim etilgan moddiy madaniy merosning ko‘chmas mulk obyektlarini asrashga doir ishlar uchun ruxsatnoma talablari va shartlariga rioya qilish; b) litsenziat tomonidan litsenziyalanadigan faoliyat turi sohasida olib boriladigan ishlar (asrashga doir faoliyat olib boriladigan obyekt nomi va manzili) haqida ushbu ishlar boshlanishi�an kamida uch kun oldin va yakunlangandan so‘ng uch kun ichida litsenziyalovchi organga axborot berish; v) asrashga doir ishlarda obyektga salbiy ta’sirlarning oldini olish va avariya holatiga qarshi ishlarni bajarish; g) arxeologiya yodgorliklarini konservatsiya qilishda tegishli ruxsatnomaga ega bo‘lgan arxeologni shartnoma asosida jalb etish;* d) yuzasi 10 m.kv dan kam bo‘lmagan qurilish havozasi va g‘isht kesish, silliqlash, metall kesish, yog‘ochga ishlov berish uskunalari mavjud bo‘lishi; e) yuridik shaxsning shtatida talabga javob beradigan quyidagi mutaxassislarning mavjud bo‘lishi, shu jumladan, litsenziat litsenziyadan foydalanish davrida (obyektda asrashga doir ishlarni amalga oshirish davomida) ushbu mutaxassislarning shaxsan ishtirok etishini ta’minlashi:* I toifadagi litsenziya uchun — oliy ma’lumot yoki litsenziyalovchi organ tomonidan ustaning malakasini tasdiqlovchi ma’lumotga ega bo‘lgan va sohada so‘nggi 10 yil davomida kamida ikki yil ish stajiga ega bo‘lgan 2 nafar mutaxassis (tarixiy madaniy obyektlarni konservatsiya qilish, ta’mirlash va saqlash, san’at asarlari va me’moriy yodgorliklarni ta’mirlash, tasviriy va amaliy san’at bezagi, arxitektura yodgorliklarini rekonstruksiya va restavratsiya qilish, arxitektura nazariyasi, tarixi, arxitektura yodgorliklarini tiklash) asosiy ish joyi bo‘yicha ishlashi; II toifadagi litsenziya uchun — oliy ma’lumot yoki litsenziyalovchi organ tomonidan ustaning malakasini tasdiqlovchi ma’lumotga ega bo‘lgan va sohada so‘nggi 10 yil davomida kamida uch yil ish stajiga ega bo‘lgan 4 nafar mutaxassis (tarixiy madaniy obyektlarni konservatsiya qilish, ta’mirlash va saqlash, san’at asarlari va me’moriy yodgorliklarni ta’mirlash, tasviriy va amaliy san’at bezagi; arxitektura yodgorliklarini rekonstruksiya va restavratsiya qilish, arxitektura nazariyasi, tarixi, arxitektura yodgorliklarini tiklash) asosiy ish joyi bo‘yicha ishlashi.